Gaius Valerius Catullus, Carmen 63.63-73
Attis recalls their former life of beauty and social glory — admired in the gymnasium, courted by lovers — and now questions with anguish what they have become and what kind of life awaits them in the wilds of Phrygia.
Tier 1
ego fui et femina et vir et adulescens et puer,
ego eram adulescens pulcher omnibus viris in gymnasio et in palaestra:
viri semper expectabant extra ianuam meam, et domus mea semper dona amantium habebant,
ubi tempus esset cubiculum relinquere, sole oriente.
egone ero ministra deorum et servus Cybeles?
egone ero Maenas? erone tantum pars mei? erone vir sterilis?
vivam sub altis columinibus Phrygiae, ubi ferae habitant?
iam id quod iam egi mihi dolet, et iam paenitet.'
Tier 2
ego (fui) mulier, ego adulescens, ego ephebus, ego puer,
ego fui flos gymnasi, ego eram decus olei:
ianuae mihi frequentes, limina mihi tepida, domus mihi erat redimita floridis corollis,
ubi cubiculum linquendum esset mihi orto sole.
ego nunc ministra deorum et famula Cybeles ferar?
ego Maenas, ego pars mei, ego ero vir sterilis?
ego agam vitam sub altis columinibus Phrygiae, ubi cerva silvicultrix, ubi aper nemorivagus?
iam quod egi iam dolet, iam iamque paenitet.'
Tier 3 - Carmen Ipsum
- ego mulier, ego adulescens, ego ephebus, ego puer,
- ego gymnasi fui flos, ego eram decus olei:
- mihi ianuae frequentes, mihi limina tepida,
- mihi floridis corollis redimita domus erat,
- linquendum ubi esset orto mihi Sole cubiculum.
- ego nunc deum ministra et Cybeles famula ferar?
- ego Maenas, ego mei pars, ego vir sterilis ero?
- ego viridis algida Idae nive amicta loca colam?
- ego vitam agam sub altis Phrygiae columinibus,
- ubi cerva silvicultrix, ubi aper nemorivagus?
- iam iam dolet quod egi, iam iamque paenitet.'
Written by Robert Amstutz
