Gaius Valerius Catullus, Carmen 62.62-69
The male chorus has the final word: a girl's virginity does not belong to her alone but is shared with her parents, who have already given their rights along with her dowry — so she should not resist her husband.
Tier 1
(pueri etiam nunc dicunt) et tu puella, noli pugnare cum marito. non decet est pugnare cum eo cui pater ipse te tradidit, necesse est tibi parere parentibus.
virginitas tua non est tota tua. virginitas est et tua et patris tui et matris tuae.
noli pugnare cum duobus parentibus, qui te marito simul cum dote dederunt.
o Hymenaee Hymen, veni o Hymenaee Hymen!
Tier 2
et tu virgo, ne pugna cum tali coniuge. non aequum est pugnare, cui pater ipse tradidit, ipse pater cum matre, quibus necesse est parere.
virginitas non tota tua est, est ex parte parentum, tertia pars patri est, tertia pars data est matri, tertia sola tua est:
noli pugnare duobus, qui genero iura simul cum dote dederunt.
o Hymenaee Hymen, ades o Hymenaee Hymen!
Tier 3 - Carmen Ipsum
- et tu ne pugna cum tali coniuge virgo.
- non aequom est pugnare, pater cui tradidit ipse,
- ipse pater cum matre, quibus parere necesse est.
- virginitas non tota tua est, ex parte parentum est,
- tertia pars patrest, pars est data tertia matri,
- tertia sola tua est: noli pugnare duobus,
- qui genero suo iura simul cum dote dederunt.
- Hymen o Hymenaee, Hymen ades o Hymenaee!
Written by Robert Amstutz
