Gaius Valerius Catullus, Carmen 62.51-61
The male chorus responds with the image of a vine: just as a vine growing alone in a bare field never thrives, but flourishes when joined to an elm, so too a woman is valued more by husband and parent alike when she is properly wed.
Tier 1
(pueri dicunt) ut sola vitis quae nascitur in vacuo arvo, numquam se tollit, numquam dulcem uvam educat,
sed deflectens corpus pondere grave iam tangit suum flagellem radice;
nulli agricola hanc vitem coluerunt, nulli boves (vel iuvenes) hanc vitem coluerunt:
sic virgo dum sine tactu manet, dum virgo inculta senescit; cum habuit maritum aequum ei maturo tempore, virgo est magis cara viro et minus invisa est parenti.
o Hymenaee Hymen, veni o Hymenaee Hymen!
Tier 2
ut vidua vitis quae nascitur in nudo arvo, numquam se extollit, numquam educat mitem uvam,
sed deflectens tenerum corpus prono pondere iam iam contingit summum flagellum radice;
nulli agricolae hanc, nulli iuvenci coluere:
at si forte eadem coniuncta est ulmo marito, multi agricolae illam, multi iuvenci coluere:
sic virgo dum intacta manet, dum inculta senescit; cum adepta est par conubium maturo tempore, magis cara viro et minus invisa est parenti.
o Hymenaee Hymen, ades o Hymenaee Hymen!
Tier 3 - Carmen Ipsum
- ut vidua in nudo vitis quae nascitur arvo,
- numquam se extollit, numquam mitem educat uvam,
- sed tenerum prono deflectens pondere corpus
- iam iam contingit summum radice flagellum;
- hanc nulli agricolae, nulli coluere iuvenci:
- at si forte eadem est ulmo coniuncta marito,
- multi illam agricolae, multi coluere iuvenci:
- sic virgo dum intacta manet, dum inculta senescit;
- cum par conubium maturo tempore adepta est,
- cara viro magis et minus est invisa parenti.
- Hymen o Hymenaee, Hymen ades o Hymenaee!
Written by Robert Amstutz
