Gaius Valerius Catullus, Carmen 62.11-19
The young men acknowledge that the women have been diligently preparing and that victory will not come easily — they must focus their minds if they hope to keep up.
Tier 1
(pueri dicunt) facilis victoria non parata est nobis, amici: aspicite, puellae meditatae sunt (have practiced).
puellae non frustra meditantur: puellae habent quod memorabile sit; nec mirum est, quia puellae tota mente diligenter laborant.
nos pueri mentes nostras alio divisimus, nos pueri aures nostras alio divisimus; scilicet non vincemus: victoria amat curam.
itaque nunc, convertite animos vestros; iam dicent, iam necesse erit nobis respondere.
o Hymenaee Hymen, veni o Hymenaee Hymen!
Tier 2
facilis palma non parata est nobis, aequales: aspicite, innuptae requirunt secum ut meditata.
non frustra meditantur: habent quod memorabile sit; nec mirum, quae penitus tota mente laborant.
nos alio mentes, alio aures divisimus; iure igitur vincemur: victoria amat curam.
quare nunc saltem convertite animos vestros; iam incipient dicere, iam decebit respondere.
o Hymenaee Hymen, ades o Hymenaee Hymen!
Tier 3 - Carmen Ipsum
- non facilis nobis, aequales, palma parata est:
- aspicite, innuptae secum ut meditata requirunt.
- non frustra meditantur: habent memorabile quod sit;
- nec mirum, penitus quae tota mente laborant.
- nos alio mentes, alio divisimus aures;
- iure igitur vincemur: amat victoria curam.
- quare nunc animos saltem convertite vestros;
- dicere iam incipient, iam respondere decebit.
- Hymen o Hymenaee, Hymen ades o Hymenaee!
Written by Robert Amstutz
