Gaius Valerius Catullus, Carmen 61.76-91
Aurunculeia, the bride, arrives at the door; she weeps as brides must, but is reassured of her unmatched beauty as she is urged to come forth.
Tier 1
aperite ianuam. virgo adest.
videsne faces lucentes?
* * * * * * * *
modestia te retinet.
quem audiens, virgo plorat quod necesse est ire. desine plorare.
non est periculum tibi, Aurunculeia,
nulla femina pulcrior viderit solem venientem ab Oceano.
talis flos solet stare in horto divitis domini.
sed virgo, dubitas, dies abit.
nova nupta advenias.
Tier 2
pandite claustra ianuae. virgo adest.
videsne ut faces quatiunt splendidas comas?
* * * * * * * *
ingenuus pudor tardet.
quem tamen audiens magis, flet quod necesse est ire. desine flere.
non est periculum tibi, Aurunculeia,
ne qua femina pulcrior viderit clarum diem venientem ab Oceano.
talis hyacinthinus flos solet stare in vario hortulo divitis domini.
sed moraris, dies abit.
nova nupta prodeas.
Tier 3 - Carmen Ipsum
- claustra pandite ianuae.
- virgo adest. viden ut faces
- splendidas quatiunt comas?
- * * * * * * * *
- tardet ingenuus pudor.
- quem tamen magis audiens,
- flet quod ire necesse est.
- flere desine. non tibi Au-
- runculeia periculum est,
- ne qua femina pulcrior
- clarum ab Oceano diem
- viderit venientem.
- talis in vario solet
- divitis domini hortulo
- stare flos hyacinthinus.
- sed moraris, abit dies.
- <prodeas nova nupta.>
Written by Robert Amstutz
