Gaius Valerius Catullus, Carmen 61.61-75
Catullus demonstrates that without Hymenaeus, neither Venus nor family nor nation can fully flourish — all depend on the marriage god's blessing.
Tier 1
sine te, Hymen, Venus non potest creare amorem quem populus bonum vocet,
sed Venus potest si tu vis.
quis audeat comparare se tecum?
nulla domus potest dare liberos sine te, nec parens potest dare sibi nepotes;
sed possunt si tu vis.
quis audeat comparare se tecum?
terra quae tuas sacras non habet non possit dare custodes finibus suis:
sed potest si tu vis.
quis audeat comparare se tecum?
Tier 2
Venus nil commodi capere potest sine te, quod bona fama comprobet,
at potest te volente.
quis ausit compararier huic deo?
nulla domus quit liberos dare sine te, nec parens nitier stirpe;
ac potest te volente.
quis ausit compararier huic deo?
terra quae careat tuis sacris non queat dare praesides finibus:
at queat te volente.
quis ausit compararier huic deo?
Tier 3 - Carmen Ipsum
- nil potest sine te Venus,
- fama quod bona comprobet,
- commodi capere, at potest
- te volente. quis huic deo
- compararier ausit?
- nulla quit sine te domus
- liberos dare, nec parens
- stirpe nitier; ac potest
- te volente. quis huic deo
- compararier ausit?
- quae tuis careat sacris,
- non queat dare praesides
- terra finibus: at queat
- te volente. quis huic deo
- compararier ausit?
Written by Robert Amstutz
