Gaius Valerius Catullus, Carmen 61.1-15
An invocation of Hymenaeus, the god of marriage, opening the wedding ritual with instructions to the deity to come and preside over the ceremony.
Tier 1
tu qui habitas in monte musarum, filius Uraniae,
qui portas teneram virginem ad virum,
o Hymenaee Hymen;
Hymen, cinge caput tuum floribus amaraci (of marjoram),
laete cape flammeum (bridal veil), veni huc, gerens calceum flavum in pede albo tuo;
vocatus laeto die, cane nuptialia carmina, cum nobis, voce clara tua,
pulsa humum pedibus, quate facem manu.
Tier 2
o cultor collis Heliconii, genus Uraniae,
qui rapis teneram virginem ad virum,
o Hymenaee Hymen, o Hymenaee Hymen;
cinge tempora floribus suave olentis amaraci,
cape flammeum laetus, huc, veni huc, gerens luteum soccum pede niveo;
excitusque hilari die, concinens nuptialia carmina voce tinnula,
pelle humum pedibus, quate pineam taedam manu.
Tier 3 - Carmen Ipsum
- collis o Heliconii
- cultor, Uraniae genus,
- qui rapis teneram ad virum
- virginem, o Hymenaee Hymen,
- o Hymen Hymenaee;
- cinge tempora floribus
- suave olentis amaraci,
- flammeum cape laetus, huc
- huc veni, niveo gerens
- luteum pede soccum;
- excitusque hilari die,
- nuptialia concinens
- voce carmina tinnula,
- pelle humum pedibus, manu
- pineam quate taedam.
Written by Robert Amstutz
