Publius Ovidius Naso, Amores 1.1.21-30
Ovid says that Cupid shot Ovid and so now he must write love poetry.
Tier 1
interrogabam, cum statim ille puer legit sagittam e pharetra in mortem meam, et sinuosum arcum fortiter flexit genu, et dixit, "accipe opus quod canas, poeta!"
me miserum! ille puer habuit rectas sagittas. ardeo, et Amor regnat in vacuo corde.
opus surgat mihi sex numeris, in quinque cadat: valete ferrea bella cum vestris modis!
Musa gere circum aurea tempora litorea myrto, scribe carmina quae undecim pedes habent.
Tier 2
questus eram, cum protinus ille legit spicula pharetra in exitium meum, lunavitque fortiter sinuosum arcum genu, 'accipe' dixitque 'opus quod canas, vates!'
me miserum! Ille puer habuit certas sagittas. Uror, et Amor regnat in vacuo pectore.
opus surgat mihi sex numeris, in quinque residat: valete ferrea bella cum vestris modis!
Musa, cingere flaventia tempora litorea myrto, emodulanda undenos pedes!
Tier 3 - Carmen Ipsum
- questus eram, pharetra cum protinus ille soluta
- legit in exitium spicula facta meum,
- lunavitque genu sinuosum fortiter arcum,
- 'quod' que 'canas, vates, accipe' dixit 'opus!'
- me miserum! certas habuit puer ille sagittas.
- uror, et in vacuo pectore regnat Amor.
- Sex mihi surgat opus numeris, in quinque residat:
- ferrea cum vestris bella valete modis!
- cingere litorea flaventia tempora myrto,
- Musa, per undenos emodulanda pedes!
Written by Robert Amstutz
