Titus Livius, Ab Urbe Condita 1.59.12-13
Brutus sets out with a select band of armed volunteers to rouse the army against the king at the camp before Ardea, leaving Lucretius in charge of the city as prefect, while amid the uproar Tullia flees her home as men and women curse her and call down the furies of her parents wherever she goes.
Tier 1
Brutus ipse iit cum iunioribus lectis qui armati sunt et nomina sua libenter dabant. Brutus iit in castra Ardeam ad collegendum exercitum (to gather an army) contra regem:
Brutus relinquit imperium urbis Lucretio, praefecto urbis quem rex iam ante praefectum fecit.
Inter hunc tumultum Tullia a domo fugit cum viri et feminae furias (furies) parentum invocarent. Accusationes erant omnibus in locis in quibus Tullia ambulavit.
Tier 2
Ipse iunioribus lectis armatisque qui ultro nomina dabant, profectus est ad concitandum inde exercitum adversus regem Ardeam in castra:
Relinquit imperium in urbe Lucretio, praefecto urbis instituto ab rege iam ante.
Inter hunc tumultum Tullia domo profugit, viris mulieribusque exsecrantibus invocantibusque furias parentum quacumque incedebat.
Segmented Reader
Ipse iunioribus
qui ultro nomina dabant
lectis armatisque,
ad concitandum inde adversus regem exercitum
Ardeam in castra est profectus:
imperium in urbe Lucretio,
praefecto urbis iam ante ab rege instituto,
relinquit.
Inter hunc tumultum
Tullia domo profugit
exsecrantibus quacumque incedebat
invocantibusque parentum furias viris mulieribusque.
Liber Ipse
Ipse iunioribus qui ultro nomina dabant lectis armatisque, ad concitandum inde adversus regem exercitum Ardeam in castra est profectus: imperium in urbe Lucretio, praefecto urbis iam ante ab rege instituto, relinquit. Inter hunc tumultum Tullia domo profugit exsecrantibus quacumque incedebat invocantibusque parentum furias viris mulieribusque.
Written by Robert Amstutz