Titus Livius, Ab Urbe Condita 1.58.5-6
Livy recounts how after Sextus Tarquinius departs having overcome Lucretia's resistance, she sends messengers both to her father in Rome and to her husband at Ardea asking them to come quickly with a trusted friend, saying something dreadful has happened, and Spurius Lucretius with Publius Valerius and Collatinus with Lucius Junius Brutus arrive to find her sitting in her room in grief.
Tier 1
Cum victrix libido (conquering lust) Tarquinii vicisset obstinatam pudicitiam Lucretiae terrore
et ab eo loco ferox Tarquinius abiit, expugnata dignitate feminae,
Lucretia, tristis tam magno dolore, nuntium et Romam ad patrem et Ardeam ad virum suum mittit,
Rogans ut et pater et vir Lucretiae veniant cum uno amico fidele; dicens faciendum esse celeriter; dicens rem malam incidisse.
Spurius Lucretius cum filio Publio Valerio, filio Volesi, Collatinus venit cum Lucio Iunio Bruto. Collatinus cum Iunio erat, rediens Romam, cum nuntius uxoris advenit.
Pater et vir inveniunt tristem Lucretiam sedentem in cubiculo.
Tier 2
Cum libido victrix vicisset obstinatam pudicitiam, quo terrore, velut vi,
Tarquiniusque ferox profectus inde, expugnato esset decore muliebri,
Maesta tanto dolore, Lucretia nuntium eundem Romam ad patrem Ardeamque ad virum mittit,
ut veniat cum singulis fidelibus amicis; ita opus esse facto maturatoque; rem atrocem incidisse.
Spurius Lucretius cum Publio Valerio Volesi filio, Collatinus venit cum Lucio Iunio Bruto cum quo, forte, rediens Romam conventus erat ab nuntio uxoris.
Inveniunt maestam Lucretiam sedentem in cubiculo.
Segmented Reader
Quo terrore
cum vicisset obstinatam pudicitiam
velut vi
victrix libido,
profectusque inde Tarquinius ferox
expugnato decore muliebri esset,
Lucretia
maesta tanto malo
nuntium
Romam eundem
ad patrem
Ardeamque ad virum
mittit,
ut cum singulis fidelibus amicis veniant;
ita facto maturatoque opus esse;
rem atrocem incidisse.
Sp. Lucretius cum P. Valerio Volesi filio,
Collatinus cum L. Iunio Bruto venit,
cum quo forte Romam rediens
ab nuntio uxoris erat conventus.
Lucretiam
sedentem maestam in cubiculo
inveniunt.
Liber Ipse
Quo terrore cum vicisset obstinatam pudicitiam velut vi victrix libido, profectusque inde Tarquinius ferox expugnato decore muliebri esset, Lucretia maesta tanto malo nuntium Romam eundem ad patrem Ardeamque ad virum mittit, ut cum singulis fidelibus amicis veniant; ita facto maturatoque opus esse; rem atrocem incidisse. Sp. Lucretius cum P. Valerio Volesi filio, Collatinus cum L. Iunio Bruto venit, cum quo forte Romam rediens ab nuntio uxoris erat conventus. Lucretiam sedentem maestam in cubiculo inveniunt.
Written by Robert Amstutz