Titus Livius, Ab Urbe Condita 1.58.1-2
Livy recounts how a few days later Sextus Tarquinius visits Collatia without the knowledge of Collatinus, is welcomed unsuspectingly, and after dinner waits until all is quiet before coming to the sleeping Lucretia with drawn sword, pressing his hand to her chest and threatening her with death if she cries out.
Tier 1
Post paucos dies, Sextus Tarquinius cum amico Collatiam venit. Collatinus id nescivit.
Sextus Tarquinius bene acceptus est ab ignaris consilii. Post cenam, Tarquinius deductus est in cubiculum,
Postquam omnia satis tuta videbantur, Tarquinius, ardens amore, gladio in manu ad Lucretiam dormientem venit.
Sextus Tarquinius Lucretiam manu depressit, "Tace, Lucretia" inquit, "Sextus Tarquinius sum, et gladium teneo. Tu mortua eris si vocem tuam audiero."
Tier 2
Paucis interiectis diebus Sextus Tarquinius cum comite uno Collatiam venit inscio Collatino.
Ubi exceptus benigne ab ignaris consilii cum deductus esset in hospitale cubiculum post cenam,
Postquam satis tuta circa sopitique omnes videbantur, ardens amore, stricto gladio ad Lucretiam dormientem venit
Pectoreque mulieris oppresso sinistra manu, "Tace, Lucretia" inquit, "Sextus Tarquinius sum, ferrum in manu est, moriere, si emiseris vocem."
Segmented Reader
Paucis interiectis diebus
Sex. Tarquinius
inscio Collatino
cum comite uno
Collatiam venit.
Ubi exceptus benigne
ab ignaris consilii
cum post cenam
in hospitale cubiculum deductus esset,
amore ardens,
postquam satis tuta circa
sopitique omnes videbantur,
stricto gladio
ad dormientem Lucretiam venit
sinistraque manu mulieris pectore oppresso
"Tace, Lucretia" inquit;
"Sex. Tarquinius sum;
ferrum in manu est;
moriere, si emiseris vocem."
Liber Ipse
Paucis interiectis diebus Sex. Tarquinius inscio Collatino cum comite uno Collatiam venit. Ubi exceptus benigne ab ignaris consilii cum post cenam in hospitale cubiculum deductus esset, amore ardens, postquam satis tuta circa sopitique omnes videbantur, stricto gladio ad dormientem Lucretiam venit sinistraque manu mulieris pectore oppresso "Tace, Lucretia" inquit; "Sex. Tarquinius sum; ferrum in manu est; moriere, si emiseris vocem."
Written by Robert Amstutz