sed Caelius stetit cum Catilina, ubi Caelius iam erat in foro multos annos.

et multi viri ex omni ordine et ex omni aetate steterunt quoque cum Catilina.

Catilina etiam habuit multa signa maximarum virtutum, signa non tota expressa sed cum umbra erant, sicut vos scivisse puto.

Catilina amicus vocatur multis viris improbis; et quidem Catilina simulabat se esse amicum optimis viris.

apud Catilinam erant multa grata cupiditatum; apud Catilinam etiam erant multa, quae alios esse industrios et laborare compellant.

Catilina habebat vitia cupiditatum sed Catilina studiosus quoque erat rei militaris.

ego non puto tale monstrum umquam fuisse in terris, neque puto tam conflatum naturae fuisse ex contrariis et diversis studiis, ex studiis et cupiditatibus quae inter se et diversae sunt et se pugnant.

at Caelius studuit Catilinae, cum iam esset in foro aliquot annos.

et multi ex omni ordine atque ex omni aetate fecerunt hoc idem.

ille enim habuit permulta signa maximarum virtutum, non expressa sed adumbrata, sicuti vos meminisse arbitror.

utebatur multis hominibus improbis; et quidem simulabat se esse deditum optimis viris.

apud illum erant multae inlecebrae libidinum; erant etiam quidam stimuli industriae ac laboris.

vitia libidinis flagrabant apud illum; studia etiam rei militaris vigebant.

neque ego puto ullum tale monstrum umquam fuisse in terris, tam conflatum naturae ex studiis et cupiditatibus contrariis diversisque atque (ex studiis et cupiditatibus) pugnantibus cupiditatibusque inter se.

at studuit Catilinae,

cum iam aliquot annos esset in foro,

Caelius.

et multi hoc idem

ex omni ordine atque ex omni aetate

fecerunt.

habuit enim ille,

sicuti meminisse vos arbitror,

permulta maximarum

non expressa signa sed adumbrata

virtutum.

Utebatur hominibus improbis multis;

et quidem

optimis se viris deditum esse

simulabat.

erant apud illum inlecebrae libidinum multae;

erant etiam industriae quidam stimuli ac laboris.

flagrabant vitia libidinis apud illum;

vigebant etiam studia rei militaris.

neque ego umquam fuisse

tale monstrum in terris ullum puto,

tam ex contrariis diversisque atque inter se pugnantibus

naturae studiis cupiditatibusque conflatum.

at studuit Catilinae, cum iam aliquot annos esset in foro, Caelius. et multi hoc idem ex omni ordine atque ex omni aetate fecerunt. habuit enim ille, sicuti meminisse vos arbitror, permulta maximarum non expressa signa sed adumbrata virtutum. Utebatur hominibus improbis multis; et quidem optimis se viris deditum esse simulabat. erant apud illum inlecebrae libidinum multae; erant etiam industriae quidam stimuli ac laboris. flagrabant vitia libidinis apud illum; vigebant etiam studia rei militaris. neque ego umquam fuisse tale monstrum in terris ullum puto, tam ex contrariis diversisque atque inter se pugnantibus naturae studiis cupiditatibusque conflatum.