itaque Caelius tot annos egit in foro sine suspicione, sine infamia, se amicum fecit Catilinae qui consulatum iterum petivit.

ergo quam longum putas illum adulescentum, Caelium, defendendum fuisse?

cum ego adulescens eram, certe habuimus unum annum ad retinendum bracchium in toga, et ut tunicati exercitaremus et in ludo et in campo Martii,

et eadem erat ratio militaris, vel in castris vel in campo, si coeperamus accipere stipendia.

nemo ad hanc aetatem effugere infamiam veram poterat nisi in alio modo defensus esset a suis amicis,

nisi is est qui se defenderet sua gravitate et puritate morum, et domestica disciplina et etiam naturali bono.

sed nemo male dicebat de eius fama ac pudicitia, qui superior fuisset ante illa in prima parte vitae integra atque inviolata,

cum iam se fortem fecisset et esset vir inter viros.

versatus igitur tot annos in foro sine suspicione, sine infamia, studuit Catilinae iterum petenti (consulatum).

ergo ad quem finem putas illam aetatem custodiendam fuisse?

olim quidem unus annus constitutus erat nobis ad cohibendum bracchium toga, et ut tunicati uteremur exercitatione ludoque campestri,

eademque ratio erat castrensis ac militaris, si statim merere stipendia coeperamus.

in qua aetate effugere infamiam veram non poterat tamen quoquo modo custoditus esset a suis (amicis)

nisi qui ipse se defenderet sua gravitate et castimonia et cum domestica disciplina tum etiam quodam naturali bono.

sed nemo loquebatur de eius fama ac pudicitia, qui praestitisset illa prima initia aetatis integra atque inviolata,

cum iam sese conroboravisset ac vir inter viros esset.

tot igitur annos versatus in foro

sine suspicione,

sine infamia,

studuit Catilinae iterum petenti.

quem ergo ad finem

putas custodiendam illam aetatem fuisse?

nobis quidem

olim

annus erat unus

ad cohibendum bracchium toga

constitutus,

et ut exercitatione

ludoque campestri tunicati

uteremur,

eademque erat,

si statim merere stipendia coeperamus,

castrensis ratio ac militaris.

qua in aetate

nisi qui se ipse

sua gravitate et castimonia

et cum disciplina domestica

tum etiam naturali quodam bono

defenderet,

quoquo modo a suis custoditus esset,

tamen infamiam veram effugere non poterat.

sed qui prima illa initia aetatis

integra atque inviolata

praestitisset,

de eius fama ac pudicitia,

cum iam sese conroboravisset

ac vir inter viros esset,

nemo loquebatur.

tot igitur annos versatus in foro sine suspicione, sine infamia, studuit Catilinae iterum petenti. quem ergo ad finem putas custodiendam illam aetatem fuisse? nobis quidem olim annus erat unus ad cohibendum bracchium toga constitutus, et ut exercitatione ludoque campestri tunicati uteremur, eademque erat, si statim merere stipendia coeperamus, castrensis ratio ac militaris. qua in aetate nisi qui se ipse sua gravitate et castimonia et cum disciplina domestica tum etiam naturali quodam bono defenderet, quoquo modo a suis custoditus esset, tamen infamiam veram effugere non poterat. sed qui prima illa initia aetatis integra atque inviolata praestitisset, de eius fama ac pudicitia, cum iam sese conroboravisset ac vir inter viros esset, nemo loquebatur.