C. Valerius Catullus, Carmen 64.116–123
The narrator interrupts himself, noting that he has wandered far from his starting point, and gives a rapid summary of the steps that brought Ariadne to the shore of Dia.
Tier 1
sed nunc dē Ariadnā iterum dīcam. dē familiā Ariadnae nōn multa nārrābō.
Ariadna patrem suum reliquit. Ariadna sorōrem suam reliquit. Ariadna etiam mātrem suam reliquit. māter eam multum amābat.
Ariadna omnia relīquit. Ariadna nōn familiam, sed Thēseum amāvit.
Ariadna et Thēseus nāve ad īnsulam Dīam vēnērunt. tum Ariadna in somnō erat. Thēseus eam in lītore relīquit et abiit.
Tier 2
sed cūr ego plūra nārrō? ā prīmō carmine iam longē discessī.
quōmodo Ariadna vultum patris relīquit, quōmodo sorōris, quōmodo dēnique mātris, quae fīliam suam tantopere amābat;
quōmodo omnibus hīs dulcem amōrem Thēseī praetulit; quōmodo nāve ad lītora Diae vecta sit;
quōmodo coniūnx, immemorī pectore discēdēns, eam in somnō dēvīnctam in lītore relīquerit?
Tier 3
sed quid ego, ā prīmō carmine dīgressus, plūra commemorem? ut Ariadna, fīlia, vultum genitōris linquēns, ut complexum cōnsanguineae, ut dēnique mātris (quae misera in gnātā dēperdita laetābātur), omnibus hīs dulcem amōrem Thēseī praeoptārit; aut ut, ratī spūmōsā ad lītora Diae vecta sit; aut ut eam, lūmina somnō dēvīnctam, coniūnx dīscēdēns immemorī pectore līquerit?
Tier 4 - Carmen Ipsum
- sed quid ego ā prīmō dīgressus carmine plūra
- commemorem, ut linquēns genitōris fīlia vultum,
- ut cōnsanguineae complexum, ut dēnique mātris,
- quae miserā in gnātā dēperdita laetābātur,
- omnibus hīs Thēseī dulcem praeoptārit amōrem:
- aut ut vecta ratī spūmōsa ad lītora Diae
- aut ut eam dēvīnctam lūmina somnō
- līquerit immemorī dīscēdēns pectore coniūnx?
Original draft written by Robert Amstutz
