Gaius Valerius Catullus, Carmen 63.27-38
Attis leads her companions in a frenzied rush to green Mount Ida, home of Cybele, where they collapse in exhausted sleep as their wild frenzy subsides.
Tier 1
simul mixta femina, Attis, cecinit haec amicis,
saltans chorus clamat linguis anxiis,
leve tympanum resonat, cava cymbala resonant.
chorus celeriter adit viridem Idam celeriter.
eodem tempore Attis, fessa, furiosa, sine anima, dux per silvam it,
sicut indomita bos quae iugum vitat;
rapidae Gallae sequuntur ducem celerem.
itaque, cum tetigerunt domum Cybeles, fessae e nimio labore sine Cerere dormiunt.
piger sopor claudit oculos his;
rabidus furor animi abit, et tempus quiescit.
Tier 2
simul notha mulier, Attis, cecinit haec comitibus,
thiasus repente ululat linguis trepidantibus,
leve tympanum remugit, cava cymbala recrepant.
chorus citus adit viridem Idam properante pede.
simul furibunda, anhelans, animam agens, vaga Attis comitata tympano, dux per opaca nemora vadit,
veluti indomita iuvenca vitans onus iugi;
rapidae Gallae sequuntur ducem properipedem.
itaque, ut tetigere domum Cybebes, lassulae e nimio labore sine Cerere somnum capiunt.
piger sopor operit oculos his labante languore;
rabidus furor animi abit in quiete molli.
Tier 3 - Carmen Ipsum
- simul haec comitibus Attis cecinit notha mulier,
- thiasus repente linguis trepidantibus ululat,
- leve tympanum remugit, cava cymbala recrepant.
- viridem citus adit Idam properante pede chorus.
- furibunda simul anhelans vaga vadit animam agens
- comitata tympano Attis per opaca nemora dux,
- veluti iuvenca vitans onus indomita iugi;
- rapidae ducem sequuntur Gallae properipedem.
- itaque, ut domum Cybebes tetigere lassulae,
- nimio e labore somnum capiunt sine Cerere.
- piger his labante languore oculos sopor operit;
- abit in quiete molli rabidus furor animi.
Written by Robert Amstutz