o sacerdotes Cybeles (of Cybele), ite una ad altam silvam Cybeles,

una ite, o vaga turba dominae Dindymenae (Cybeles),

vos quae petitis aliena loca sicut vos estis exules

vos sequimini meam viam, dum ego duco, vos estis comites mihi

vos navigatis per rapidum mare et feroces fluctus maris

et vos secavistis membra a corporibus vestris quod Venus vobis non placet;

placete dominae, agite movete vos.

estote sine mora: ite una, ite ad Phrygiam domum Cybeles, ad silvas deae,

ubi cymbalum luditur, ubi tympana luduntur,

ubi Phrygius tibicen ludit instrumento suo,

ubi Maenades iaciunt capita,

ubi Maenades agunt sacra sancta clamoribus,

ubi illa turba deae solet volare,

quo bonum est nobis saltare ritum.'

'Gallae, agite ite simul ad alta nemora Cybeles,

simul ite, vaga pecora dominae Dindymenae,

quae petentes aliena loca velut exules

exsecutae meam sectam, duce me, comites mihi

tulistis rapidum salum truculentaque pelagi

et evirastis corpus nimio odio Veneris;

hilarate animum erae citatis erroribus.

tarda mora cedat mente: simul ite, sequimini ad Phrygiam domum Cybebes, ad Phrygia nemora deae,

ubi vox cymbalum sonat, ubi tympana reboant,

ubi Phryx tibicen canit grave curvo calamo,

ubi hederigerae Maenades iaciunt capita vi,

ubi agitant sacra sancta acutis ululatibus,

ubi illa vaga cohors divae suevit volitare,

quo decet nos celerare citatis tripudiis.'