Gaius Valerius Catullus, Carmen 62.20-32
The women lament how Hesperus, the evening star, cruelly tears daughters from their mothers' arms to give them to burning young men — while the men counter that the same star joyfully seals the unions long promised by fathers and suitors.
Tier 1
(puellae dicunt) o Hespere (stella noctis), quae stella crudelior fertur in caelo?
tu qui possis rapere filiam e complexu matris, rapere filiam retinentem matrem ex complexu matris, et donare castam puellam iuveni ardenti cupidine.
quid crudelius hostes faciunt cum urbs capta est?
o Hymenaee Hymen, veni o Hymenaee Hymen!
(pueri dicunt) Hespere, qui stella lucet iucundior in caelo?
tu qui firmes nuptias promissas tua flamma, quae viri paraverunt, quae parentes ante paraverunt, nec iunxere priusquam tuus ardor se abstulit.
quid optatius datur a divis laeta hora?
o Hymenaee Hymen, veni o Hymenaee Hymen!
(puellae dicunt) Hesperus, amicae, unam puellam a nobis rapuit.
* * * * * *
* * * * * *
Tier 2
Hespere, quis ignis crudelior fertur caelo?
qui natam complexu matris avellere possis, avellere natam retinentem complexu matris, et donare castam puellam iuveni ardenti.
quid crudelius hostes faciunt urbe capta?
o Hymenaee Hymen, ades o Hymenaee Hymen!
Hespere, quis ignis lucet iucundior caelo?
qui firmes desponsa conubia tua flamma, quae viri pepigere, parentes ante pepigerunt, nec iunxere prius quam tuus ardor se extulit.
quid optatius datur a divis felici hora?
o Hymenaee Hymen, ades o Hymenaee Hymen!
Hesperus unam e nobis, aequales, abstulit.
* * * * * *
* * * * * *
Tier 3 - Carmen Ipsum
- Hespere, quis caelo fertur crudelior ignis?
- qui natam possis complexu avellere matris,
- complexu matris retinentem avellere natam,
- et iuveni ardenti castam donare puellam.
- quid faciunt hostes capta crudelius urbe?
- Hymen o Hymenaee, Hymen ades o Hymenaee!
- Hespere, quis caelo lucet iucundior ignis?
- qui desponsa tua firmes conubia flamma,
- quae pepigere viri, pepigerunt ante parentes,
- nec iunxere prius quam se tuus extulit ardor.
- quid datur a divis felici optatius hora?
- Hymen o Hymenaee, Hymen ades o Hymenaee!
- Hesperus e nobis, aequales, abstulit unam.
- * * * * * *
- * * * * * *
Written by Robert Amstutz