Gaius Valerius Catullus, Carmen 61.159-173
The bride is urged to cross the threshold and enter the chamber, where her husband awaits on the bridal couch, burning with a love no less — and perhaps more deeply felt — than her own.
Tier 1
porta pedes tuos trans limen cum bono omine, et intra ianuam politam.
io Hymenaee Hymen io, io Hymenaee Hymen.
ecce, vir tuus accubat in cubiculo in lecto Tyrio. vir tuus te intente expectat.
io Hymenaee Hymen io, io Hymenaee Hymen.
et cor eius tam plenum amoris quam tuum, sed fortasse magis quam tuum.
io Hymenaee Hymen io, io Hymenaee Hymen.
Tier 2
transfer limen aureolos pedes cum bono omine, subique rasilem forem.
io Hymenaee Hymen io, io Hymenaee Hymen.
aspice ut vir tuus accubans intus in toro Tyrio immineat totus tibi.
io Hymenaee Hymen io, io Hymenaee Hymen.
ac flamma uritur pectore intimo non minus tibi, sed magis penite.
io Hymenaee Hymen io, io Hymenaee Hymen.
Tier 3 - Carmen Ipsum
- transfer omine cum bono
- limen aureolos pedes,
- rasilemque subi forem.
- io Hymen Hymenaee io,
- io Hymen Hymenaee.
- aspice intus ut accubans
- vir tuus Tyrio in toro
- totus immineat tibi.
- io Hymen Hymenaee io,
- io Hymen Hymenaee.
- illi non minus ac tibi
- pectore uritur intimo
- flamma, sed penite magis.
- io Hymen Hymenaee io,
- io Hymen Hymenaee.
Written by Robert Amstutz