Gaius Valerius Catullus, 97 "To Aemilius: But you are so Gross!"
Catullus insults Aemilius as being rather smelly, while he has sex with lots of women, but Catullus wonders what that says of the women willing to touch Aemilius?
Tier 1
ita me dei ament, ego non potui distinguere utrum os an anum Aemilii olfacerem.
hoc non est purior, illud non est sordidior,
sed tamen anus eius est purior et melior nam anus eius non dentes habet.
os eius habet dentes tam longos quam bracchium, habet gingivas antiquas,
is quoque habet os ut latus cunnus mingentis mulae in aestu quae mingit solet habere.
Aemilius cubuit cum multis feminis et facit se esse venustum, cur Aemilius non servit cum asino?
nonne putemus ullam feminam quae Aemilium tangat posse tangere lingua anum aegroti viri qui carnem secat?
Tier 2
(ita me di ament) non putavi quicquam referre utrumne olfacerem os an culum Aemilio.
hoc mundius nilo, illudque immundius nihilo,
verum etiam culus mundior et melior: nam (culus) est sine dentibus.
hic habet dentis sesquipedalis, vero gingivas veteris ploxeni,
praeterea rictum qualem diffissus cunnus meientis mulae habere solet.
hic futuit multas et facit se esse venustum, et non traditur pistrino atque asino?
quem siqua attingit, non putemus illam posse lingere culum aegroti carnificis?
Tier 3 - Carmen Ipsum
- non (ita me di ament) quicquam referre putavi,
- utrumne os an culum olfacerem Aemilio.
- nilo mundius hoc, nihiloque immundius illud,
- verum etiam culus mundior et melior:
- nam sine dentibus est. hic dentis sesquipedalis,
- gingivas vero ploxeni habet veteris,
- praeterea rictum qualem diffissus in aestu
- meientis mulae cunnus habere solet.
- hic futuit multas et se facit esse venustum,
- et non pistrino traditur atque asino?
- quem siqua attingit, non illam posse putemus
- aegroti culum lingere carnificis?
Written by Robert Amstutz
