Gaius Valerius Catullus, 86 "To Lesbia: True Beauty"
Quintia is pretty, but lacks substance. Lesbia is the total package.
Tier 1
Quintia formosa est multis viris.
mihi Quintia est candida, et longa, et recta: ego confiteor haec singula.
nego totum illud “formosa”:
nam nulla venustas, nulla mica salis est in tam magno corpore.
Lesbia formosa est, Lesbia quae non solum pulcherrima tota est, sed etiam una surripuit omnes Veneres ab omnibus.
Tier 2
Quintia formosa est multis.
mihi candida, longa, recta est: ego haec singula sic confiteor.
nego illud totum formosa: nam nulla venustas, nulla mica salis est in tam magno corpore.
Lesbia formosa est, quae cum pulcherrima tota est, tum una surripuit Veneres omnibus.
Tier 3 - Carmen Ipsum
- Quintia formosa est multis. mihi candida, longa,
- recta est: haec ego sic singula confiteor.
- totum illud formosa nego: nam nulla venustas,
- nulla in tam magno est corpore mica salis.
- Lesbia formosa est, quae cum pulcherrima tota est,
- tum omnibus una omnis surripuit Veneres.
Written by Robert Amstutz
