Gaius Valerius Catullus, 78 "To Gallus: Techer's Remorse"
Gallus is nice but perhaps stupid to teach his nephew to sleep with an uncle’s wife.
78
Tier 1
Gallus habet fratres, unus quorum femina est lepidissima, alterius filius lepidus.
Gallus est vir pulcher: nam Gallus iungit hunc filium et illam feminam, ut bella puella cubet cum puero bello.
Gallus est vir stultus, nec videt se esse maritum qui docet filium fratris facere adulterium cum femina patrui (frater patris).
Tier 2
Gallus habet fratres, alterius quorum coniunx est lepidissima, alterius filius lepidus.
Gallus est homo bellus: nam iungit dulces amores, ut bella puella cubet cum puero bello.
Gallus est homo stultus, nec videt se esse maritum, qui patruus monstret adulterium patrui.
Tier 3 - Carmen Ipsum
- Gallus habet fratres, quorum est lepidissima coniunx
- alterius, lepidus filius alterius.
- Gallus homo est bellus: nam dulces iungit amores,
- cum puero ut bello bella puella cubet.
- Gallus homo est stultus, nec se videt esse maritum,
- qui patruus patrui monstret adulterium.
78b
Gallus is nice but perhaps stupid to teach his nephew to sleep with an uncle’s wife.
Tier 1
sed nunc tristis sum quod tua foeda saliva foedavisti pura oscula purae puellae.
sed non facies id sine poena: nam omnia tempora posthac scient te et antiqua fama loquetur qualis vir sis.
Tier 2
sed nunc doleo quod tua spurca saliva comminxit pura suavia purae puellae.
verum non feres id impune: nam omnia saecla noscent te et anus fama loquetur qui sis.
Tier 3 - Carmen Ipsum
- *******
- sed nunc id doleo, quod purae pura puellae
- suavia comminxit spurca saliva tua.
- verum id non impune feres: nam te omnia saecla
- noscent et, qui sis, fama loquetur anus.
Written by Robert Amstutz