Gaius Valerius Catullus, 72 "To Lesbia: Conflicted Feelings"
Catullus explains his conflicted feelings to Lesbia.
Tier 1
Lesbia, olim dicebas te novisse Catullum solum, nec te velle habere Iovem ante me.
amavi te tum, non tantum ut vulgus vir amicam amat, sed ut pater filios et generos amat.
nunc te cognovi: ergo, quamquam magis flammatus sum, tamen es vilior et levior multo mihi.
quomodo, inquis?
quia talis iniuria cogit amantem amare magis, sed velle bene minus.
Tier 2
Lesbia, dicebas quondam te nosse solum Catullum, nec velle tenere Iovem prae me.
dilexi te tum, non tantum ut vulgus amicam, sed ut pater gnatos et generos diligit.
nunc te cognovi: quare, etsi impensius uror, tamen es vilior et levior multo mihi.
qui potis est, inquis?
quod talis iniuria cogit amantem amare magis, sed velle bene minus.
Tier 3 - Carmen Ipsum
- dicebas quondam solum te nosse Catullum,
- Lesbia, nec prae me velle tenere Iovem.
- dilexi tum te non tantum ut vulgus amicam,
- sed pater ut gnatos diligit et generos.
- nunc te cognovi: quare etsi impensius uror,
- multo mi tamen es vilior et levior.
- qui potis est, inquis? quod amantem iniuria talis
- cogit amare magis, sed bene velle minus.
Written by Robert Amstutz
