Gaius Valerius Catullus, 69 "To Rufus: About your odor..."
Catullus explains that Rufus can’t find girls to sleep with because he stinks.
Tier 1
Rufe, noli mirari cur feminae nolunt cubare tecum,
non etiam si tu des feminis dona vestis aut gemmarum.
mala fama dicit te habere caprum olentem sub brachiis tuis.
omnes feminae hunc caprum timent, neque mirum est:
nam bestia pessima est, nec placet feminae cubare cum capro.
ergo aut interfice malam pestem nasorum, aut desine mirari cur feminae a te fugiunt.
Tier 2
Rufe, noli admirari quare nulla femina velit supposuisse tenerum femur tibi,
non si labefactes illam munere vestis aut deliciis perluciduli lapidis.
quaedam mala fabula laedit te, qua fertur tibi trux caper habitare sub valle habitare.
omnes metuunt hunc, neque mirum:
nam bestia mala valde est, nec quicum bella puella cubet.
quare aut interfice crudelem pestem nasorum, aut desine admirari cur fugiunt.
Tier 3 - Carmen Ipsum
- noli admirari, quare tibi femina nulla,
- Rufe, velit tenerum supposuisse femur,
- non si illam rarae labefactes munere vestis
- aut perluciduli deliciis lapidis.
- laedit te quaedam mala fabula, qua tibi fertur
- valle sub alarum trux habitare caper.
- hunc metuunt omnes, neque mirum: nam mala valde est
- bestia, nec quicum bella puella cubet.
- quare aut crudelem nasorum interfice pestem,
- aut admirari desine cur fugiunt.
Written by Robert Amstutz
