Gaius Valerius Catullus, 57 "To Gaius Julius Caesar: You Two are the Worst!"
Catullus insults both Mamurra and Caesar as a matching pair of degenerates.
Tier 1
pulchre convenit improbis viris effeminatis, et Mamurrae et Caesari qui penes in anis suis recipiunt.
nec mirum est: et Mamurra et Caesar habent maculas, Caesar habet maculas Romanas, et Mamurra habet maculas Formianas, maculas quae non possunt removeri:
et Caesar et Mamurra aegri gemini sunt, ambo discipuli in uno lecto,
hic adulter non magis vorax est quam ille, sunt rivales puellarum parvarum.
pulchre convenit improbis viris effeminatis.
Tier 2
pulchre convenit improbis cinaedis, Mamurrae pathicoque Caesarique.
nec mirum: utrisque pares maculae, altera urbana et illa Formiana, impressae resident nec eluentur:
pariter morbosi, utrique gemelli, ambo erudituli in uno lecticulo,
hic adulter non magis vorax quam ille, socii rivales puellularum.
pulchre convenit improbis cinaedis.
Tier 3 - Carmen Ipsum
- pulcre convenit improbis cinaedis,
- Mamurrae pathicoque Caesarique.
- nec mirum: maculae pares utrisque,
- urbana altera et illa Formiana,
- impressae resident nec eluentur:
- morbosi pariter, gemelli utrique,
- uno in lecticulo erudituli ambo,
- non hic quam ille magis vorax adulter,
- rivales socii puellularum.
- pulcre convenit improbis cinaedis.
Written by Robert Amstutz
