Gaius Valerius Catullus, 35 "To Caecilius: Come Visit!"
Catullus tells his poem on a sheet of paper to tell Caecilius to come to Verona so they can talk, even if Caecilius’ girlfreind wants him to stay.
Tier 1
papyre, dic meo amico, poetae Caecilio, “veni Veronam. Abi a moenibus Novi Comi litoreque Larium.”
nam volo ut Caecilius accipiat paucas sententias amici sui meique.
itaque, si Caecilius scit id quod optimum est, Caecilius curret, quamquam puella pulchra eum retenet, manibus circum collum eius, rogans Caecilium remanere.
puella quae nunc, si ego recte audio, Caecilium nimis multum amat.
nam cum puella legit carmen ‘Dominam Dindymi,’ carmen quod imperfectum est, ex eo tempore ignes in corde misellae puellae ardebunt.
ignosco tibi, puella doctior quam Sapphica musa; magna mater Caecilii est venuste imperfecta.
Tier 2
papyre, dic poetae tenero, meo amico Caecilio ad Veronam veniat, relinquens moenia Novi Comi litusque Larium.
nam volo ut Caecilius accipiat quasdam cogitationes amici sui meique.
itaque, si Caecilius sapiet, viam vorabit, quamquam puella pulchra eum revocet milies (iterum et iterum x mille), iaciens manus ambas circum collum eius roget Caecilius remanere.
puella quae nunc, si vera mihi nuntiantur, Caecilium nimis multum amat.
nam tempore quo puella legit carmen ‘Dominam Dindymi’ sine fine, ex eo tempore ignes edunt interiorem medullam miseallae puellae.
ignosco tibi, puella doctior Sapphica musa; magna mater Caecilio est venuste sine fine.
Tier 3
papyre, velim dicas poetae tenero, meo sodali Caecilio Veronam veniat, relinquens moenia Novi Comi litusque Larium.
nam volo accipiat quasdam cogitationes amici sui meique.
quare, si sapiet, viam vorabit, quamvis candida puella (eum) euntem revocet milies, iniciensque manus ambas collo roget morari.
(puella) quae nunc, si vera mihi nuntiantur, illum deperit impotente amore.
nam tempore quo legit incohatam dominam Dindymi, ex eo (tempore) ignes edunt interiorem medullam misellae (puellae).
ignosco tibi, puella doctior Sapphica musa; est enim magna mater Caecilio venuste incohata.
Tier 4 - Carmen Ipsum
- poetae tenero, meo sodali,
- velim Caecilio, papyre, dicas
- Veronam veniat, Noui relinquens
- Comi moenia Lariumque litus.
- nam quasdam volo cogitationes
- amici accipiat sui meique.
- quare, si sapiet, viam vorabit,
- quamvis candida milies puella
- euntem revocet, manusque collo
- ambas iniciens roget morari.
- quae nunc, si mihi vera nuntiantur,
- illum deperit impotente amore.
- nam quo tempore legit incohatam
- Dindymi dominam, ex eo misellae
- ignes interiorem edunt medullam.
- ignosco tibi, Sapphica puella
- musa doctior; est enim venuste
- Magna Caecilio incohata Mater.
Written by Robert Amstutz
