Gaius Valerius Catullus, 31 "Sirmio"
Catullus greets his home after a long journey away.
Tier 1
Sirmio, gemma paen insularum et insularum, gemma omnium quam Neptunus fert aut in aqua inter terras aut in oceano vasto,
quam libenter et laetus te video,
ego ipse vix credo mi reliquisse Thuniam et Bithunos campos et me videre te securum.
o quid est laetius quam relinquere curas, cum mens reponit laborem, et fessi labore in terra aliena venimus ad nostrum larem, et iacemus in desiderato lecto?
hoc est unum quod est pro tantis laboribus.
salve o Sirmio, et es laeta cum domino laeto, et cos, o lacus Lydiae aquae, ridete risu domi.
Tier 2
Sirmio, paene insularum ocelleque insularum, quascumque Neptunus fert uterque in liquentibus stagnis marique vasto,
quam libenter inviso te, quamque laetus te inviso,
ipse vix credens mi liquisse Thuniam atque Bithunos campos et videre te in tuto.
o quid est beatius solutis curis, cum mens reponit onus, ac fessi peregrino labore venimus ad nostrum larem, acquiescimusque desiderato lecto?
hoc est unum quod est pro tantis laboribus.
salve, o venusta Sirmio, atque gaude ero gaudente, vosque, o lacus Lydiae undae, ridete quidquid cachinnorum est domi.
Tier 3 - Carmen Ipsum
- paene insularum, Sirmio, insularumque
- ocelle, quascumque in liquentibus stagnis
- marique vasto fert uterque Neptunus,
- quam te libenter quamque laetus inviso,
- vix mi ipse credens Thuniam atque Bithunos
- liquisse campos et videre te in tuto.
- o quid solutis est beatius curis,
- cum mens onus reponit, ac peregrino
- labore fessi venimus larem ad nostrum,
- desideratoque acquiescimus lecto?
- hoc est quod unum est pro laboribus tantis.
- salve, o venusta Sirmio, atque ero gaude
- gaudente, vosque, o Lydiae lacus undae,
- ridete quidquid est domi cachinnorum.
Written by Robert Amstutz
