Gaius Valerius Catullus, 30 "To Alfenus: Betrayal"
Catullus calls out Alfenus for betraying their friendship by abandoning Catullus when he was in trouble, or perhaps Alfenus has done something worse
Tier 1
Alfene, false amice sine memoria, iam nihil pietatis sit tibi tuo amico (Catullo)?
perfide, iam non dubitas me fallere, tu non dubitas me relinquere?
impia facta hominum qui falsi sunt non placent deis.
tu hoc neglegis et deseris me miserum in temporibus malis.
eheu! dic quid homines faciant, vel cui credit?
certe tu secure duxisti me in amore sicut omnia forent secura mihi.
nunc tu retrahis et tu permittis ventos ferre tua dicta omnia et facta inutile.
sed di meminerunt, Fides meminit, si tu oblitus es, ut quidquid facias, mox facti tui tibi non placebunt.
Tier 2
Alfene immemor atque false unanimis sodalibus, iam nil tui dulcis amiculi miseret te, dure?
perfide, iam non dubitas me fallere, me prodere?
nec impia facta fallacium hominum placent caelicolis.
quae tu neglegis ac deseris me miserum in malis.
eheu dic quid homines faciant, cuive habeant fidem?
certe tute iubebas tradere animam, inique, inducens me in amorem, quasi omnia forent tuta mi.
nunc retrahis idem te ac sinis ventos ac nebulas aereas ferre tua dicta omnia factaque irrita.
at di meminerunt, Fides meminit, si tu oblitus es, quae postmodo faciet ut te paeniteat facti tui.
Tier 3 - Carmen Ipsum
- Alfene immemor atque unanimis false sodalibus,
- iam te nil miseret, dure, tui dulcis amiculi?
- iam me prodere, iam non dubitas fallere, perfide?
- nec facta impia fallacum hominum caelicolis placent.
- quae tu neglegis ac me miserum deseris in malis.
- eheu quid faciant, dic, homines cuive habeant fidem?
- certe tute iubebas animam tradere, inique, me
- inducens in amorem, quasi tuta omnia mi forent.
- idem nunc retrahis te ac tua dicta omnia factaque
- ventos irrita ferre ac nebulas aereas sinis.
- si tu oblitus es, at di meminerunt, meminit Fides,
- quae te ut paeniteat postmodo facti faciet tui.
Written by Robert Amstutz
