Gaius Valerius Catullus, 28 "To Veranus and Fabullus: Patronage"
Catullus chides his friends, Veranius and Fabullus, about working under Piso.
Tier 1
o comites Pisonis, vacuus cohors cum saccis vestris, optime Vareni et tu mi Fabulle, quas possessiones portant?
habuistisne satis et frigora et famem cum isto malo viro?
tabulaene vestrae ullam pecuniam ostendunt? sicut in tabulis meis scribo datum lucro.
o Memmi, bene ac longum tempus me male usus es toto pene tuo.
sed ut videtur mihi, idem fuit vobis, nam vos impleti sunt non minore pene.
pete nobiles amicos! at di deaeque dent multa mala vobis, improbi Romuli et Remi.
Tier 2
o comites Pisonis, inanis cohors, aptis sarcinulis et expeditis, optime Verani tuque mi Fabulle, quid rerum geritis?
tulistisne satis frigoraque et famem cum isto vappa?
ecquidnam lucelli expensum, ut patet mihi in tabulis, qui secutus meum praetorem refero datum lucello?
o Memmi, bene ac diu lentus irrumasti me supinum tota ista trabe.
sed, quantum video, fuistis pari casu: nam farti estis nihilo minore verpa.
pete nobiles amicos! at di deaeque multa mala vobis dent, opprobria Romuli Remique.
Tier 3 - Carmen Ipsum
- Pisonis comites, cohors inanis,
- aptis sarcinulis et expeditis,
- Verani optime tuque mi Fabulle,
- quid rerum geritis? satisne cum isto
- vappa frigoraque et famem tulistis?
- ecquidnam in tabulis patet lucelli
- expensum, ut mihi, qui meum secutus
- praetorem refero datum lucello?
- o Memmi, bene me ac diu supinum
- tota ista trabe lentus irrumasti.
- sed, quantum video, pari fuistis
- casu: nam nihilo minore verpa
- farti estis. pete nobiles amicos!
- at vobis mala multa di deaeque
- dent, opprobria Romuli Remique.
Written by Robert Amstutz
