Gaius Valerius Catullus, 5 "To Lesbia: Let us Live and Let us Love!"
Catullus tells Lesbia life is short so they should make out without a care.
Tier 1
mea Lesbia, vivamus et amemus, et aestimemus omnes rumores virorum seniorum unius assis!
sol potest occidere et redire. cum nos mortui sumus, modo est una nox perpetua.
da mihi multa oscula, deinde plura oscula.
deinde, cum fecerimus multa milia oscula, miscebimus illa oscula ne quot oscula esse sciamus,
aut ne (ali)quis malus in nos spectare possit, cum sciat tam multa esse oscula.
Tier 2
mea Lesbia, vivamus atque amemus, et aestimemus omnes rumores senum severiorem unius assis!
soles possunt occidere et redire: cum semel brevis lux occidit nobis, est una perpetua nox dormienda.
da mi basia mille, deinde centum,
dein mille altera, dein secunda centum,
deinde usque altera mille, deinde centum.
dein, cum fecerimus multa milia, conturbabimus illa, ne (quot esse) sciamus,
aut ne (ali)quis malus invidere possit, cum sciat tantum esse basiorum.
Tier 3 - Carmen Ipsum
- vivamus mea Lesbia, atque amemus,
- rumoresque senum severiorum
- omnes unius aestimemus assis!
- soles occidere et redire possunt:
- nobis cum semel occidit brevis lux,
- nox est perpetua una dormienda.
- da mi basia mille, deinde centum,
- dein mille altera, dein secunda centum,
- deinde usque altera mille, deinde centum.
- dein, cum milia multa fecerimus,
- conturbabimus illa, ne sciamus,
- aut ne quis malus invidere possit,
- cum tantum sciat esse basiorum.
Written by Robert Amstutz