plorate omnes. passer, avis parva, meae puellae mortuus est.

passer quem meae puellae plus quam oculos suos amabat. nam passer dulcis erat et puellam sciverat tam bene quam puella matrem scit.

nec passer se a puella movebat, sed circumsiliens modo huc modo illuc ad solam dominam pipiabat et pipiabat.

passer qui nunc it ad inferum. locus unde omnes negant quemquam redire.

sed male sit vobis, malae tenebrae Orci, vobis quae omnia pulchra devoratis.

vos tam bellum passerem a me cepistis. o factum male! o miser parve passer!

nunc ocelli meae puellae, turgiduli flendo tua opera, rubent.

lugete, o Veneres cupidinesque, et quantum est hominum venustiorum: passer meae puellae mortuus est,

passer deliciae meae puellae, quem illa plus oculis suis amabat. nam mellitus erat et suam ipsam noverat tam bene quam puella matrem noverat,

nec passer se a gremio ilius movebat, sed circumsiliens modo huc modo illuc ad solam dominam usque pipiabat.

passer qui nunc it per iter tenebricosum, illuc unde negant quemquam redire.

at male sit vobis, malae tenebrae Orci, quae omnia bella devoratis:

tam bellum mihi passerem abstulistis. o factum male! o miselle passer!

nunc tua opera ocelli meae puellae, turgiduli flendo rubent.

1. lugete, o Veneres Cupidinesque,
2. et quantum est hominum venustiorum:
3. passer mortuus est meae puellae,
4. passer, deliciae meae puellae,
5. quem plus illa oculis suis amabat.
6. nam mellitus erat suamque norat
7. ipsam tam bene quam puella matrem,
8. nec sese a gremio illius movebat,
9. sed circumsiliens modo huc modo illuc
10. ad solam dominam usque pipiabat.
11. qui nunc it per iter tenebricosum
12. illuc, unde negant redire quemquam.
13. at vobis male sit, malae tenebrae
14. Orci, quae omnia bella devoratis:
15. tam bellum mihi passerem abstulistis
16. o factum male! o miselle passer!
17. tua nunc opera meae puellae
18. flendo turgiduli rubent ocelli.