in rē pūblicā Rōmānā, paucae familiae nōbilēs potestātem habēbant. hae familiae per multōs annōs cōnsulēs et senātōrēs dabant. pater cōnsulis saepe ipse cōnsul fuerat. avus quoque cōnsul fuerat. Rōmānī nōmen et familiam maximē valēre putābant.

sed nōn omnēs virī in polīticā Rōmānā ex familiīs nōbilibus erant. vir quī prīmus in familiā suā cōnsul factus est novus homō vocābātur. hoc nōmen significat "new man." novus homō nūllōs maiōrēs nōbilēs habēbat.

novī hominēs saepe difficultātēs magnās habēbant. familiae nōbilēs eōs nōn amābant et eīs nōn fāvēbant. novus homō igitur aut māgnam virtūtem aut māgnam glōriam mīlitārem habēre dēbēbat.

duo novī hominēs nōtissimī sunt C. Marius et M. Tullius Cicerō. Marius dux bonus fuit et septiēns cōnsul factus est. Cicerō ōrātor bonus fuit et cōnsul annō 691 AUC (63 BCE) factus est.