Tria Nomina
Rōmānī virī tria nōmina habent.
prīmum nōmen est praenōmen. Marcus est ūnum praenōmen. Tiberius est aliud praenōmen. Rōmānī multa praenōmina nōn habent.
alia praenōmina sunt:
| Appius | Gaius | Manius | Sextus |
| Aulus | Gnaeus | Publius | Septimus |
| Decimus | Lucius | Quintus | Titus |
fēminae praenōnima nōn habent.
secundum nōmen est gēns. gēns Rōmāna est familia māxima.
fēminae saepe nōmen patris habent. Marcus Tullius Cicero fīliam habet. eī nōmen est Tullia.
tertium nōmen est cognōmen. cognōmen indicat familiam minorem.
Marcus Tullius cognōmen “Cicero” habet. frāter Marcī, Quīntus Tullius, quoque cognōmen “Cicero” habet.
nōnnullae fēminae cognōmina habent.
Marcus Tullius Cicerō ūnam fīliam habet. eī nōmen est Tullia.
Gaius Laelius Sapiēns duās fīliās habet. nōmina sunt Laelia Maior et Laelia Minor.
Marcus Livius Drūsus ūnam fīliam habet. eī nōmen est Livia Drūsilla.