postquam Turnus Pallantem necāvit, Fāma dē morte Pallantis Aenēae dīxit. Aenēās erat īrātissimus et statim per proelium ad Turnum cucurrit. īra Aenēam capiēbat et mox Aenēās Latīnōs multōs necābat. Turnus Aenēam timēbat sed tamen in proeliō manēbat.

Aenēās sacrificium Pallantī facere voluit itaque quattuor virōs cēpit. ūnus ex virīs prō vītā suā ōrābat. Aenēās ad virum spectāvit et statim gladiō eum interfēcit. vir mortuus ad terram cecidit et aliī erant territī. Aenēās adhūc Turnum interficere voluit.

Iūnō, īram Aenēae vidēns, Iovem ōrāvit, "ō Iuppiter, iubē Turnum vīvere parvum tempus." Iuppiter respondit, "ita vērō," et Iūnō statim ad proelium iit. imāginem Aenēae fēcit et Turnus imāginem vīdit. ad imāginem currēbat sed Turnus imāginem capere nōn poterat. imāgō Aenēae Turnum ad nāvem dūxit. Turnus in nāvem ascendit et tum Iūnō nāvem in mare mīsit. Turnus parvum tempus longē ā proeliō erat.

Aenēās, īrātus quod Turnum invenīre nōn poterat, sacerdōtem prope eum vīdit. sacerdōs Latīnus arma nōn habēbat sed tamen Aenēās eum interfēcit. Aenēās in proeliō multōs Rutulōs Latīnōsque interfēcit. mīles, quī equōs dūcēbat, erat prope Aenēam. Aenēās hastam sūmpsit et hastam ad mīlitem mīsit. hasta per caelum volāvit et pectus mīlitis percussit. mīles magnā vōce dīxit et ā currū ad terram cecidit.

Mezentius, quī erat rēx Tuscus, Aenēam spectābat. erat īrātus quod Aenēās fīlium suum, Lausum, necāverat et nunc Lausus erat mortuus. in equō, cui nōmen erat Rhaebus, Mezentius ad Aenēam contendit. Mezentius pugnābat sed Aenēās equum Mezentiī interfēcit et equus mortuus in Mezentium cecidit. sub equō, Mezentius sē movēre nōn poterat. nōn prō vītā ōrāvit. Aenēās tum Mezentium interfēcit.

Turnus tandem ad proelium rediit et Aenēam quaerēbat. dīxit, "Aenēās, pugnā cum mē!" Iuppiter, ā caelō spectāns, fāta Aenēae et Turnī spectābat. Aenēās vincet.

Turnus gladium sūmpsit et scūtum Aenēae gladiō percussit. ecce! sed gladius Turnī Aenēam vincere nōn poterat. Turnus erat valdē territus quod gladius erat optimus. Aenēās Turnum petīvit quod Turnus fugiēbat.

Iūnō iterum Iovem ōrābat, "Turnus erit mortuus. hoc sciō. sed, ō marīte optime, iubē Latīnōs Latīnōs manēre. nōlī vocāre eōs 'Trōiānōs.' vocā eōs 'Latīnōs.' iubē eōs in linguā Latīnā dīcere, nōn in linguā Graecā. Trōia nōn iam est. iubē Trōiam nōn iam esse."

Iuppiter respondit, "ita vērō," sed Turnus magnum saxum sūmpsit. mīsit saxum ad Aenēam sed saxum cecidit ad terram ante pedēs Aenēae. Aenēās laetus erat et hastam magnam sūmpsit. mīsit hastam per caelum et hasta Turnum percussit. Turnus nōn iam pugnāre poterat et Aenēam ōrābat.

"nōlī interficere mē, ōrō tē. tū vīcistī mē. nunc habēs Lavīniam et Latium. es hērōs maximus," Turnus dīxit.

Aenēās ā gladiō manum remōvit sed tum arma Pallantis vīdit. Aenēās erat īrātissimus!

"MINIMĒ! tū gerās arma amīcī meī! Pallās tē nunc interficit!" dīxit Aenēās.

gladius Aenēae pectus Turnī percussit. imāgō Turnī ad rēgnum Plūtōnis iit. Aenēās victor erat.