P. Vergilius Maro, Aeneid 1.142-156
Tier 2
sīc Neptūnus dicit et celerior quam dictum, ille plācat mare, dispellit nubēs, et redūcit sōlem. Cȳmothoē et Trītōn removent nāvēs ē saxibus. Neptūnus ipse tollit aliās nāvēs tridentī atque aperit vāstās syrtēs. tunc ille temperat mare simul agit currum super undās.
ac velutī in magnō populō cum sēditiō surgit, et vulgus est iratum et habet facēs et saxa. furor providet arma; tum cōnspexērunt virum, quī habet gravitātem, et silent et audiunt. ille regit animōs verbīs et plācat pectora.
sīc omnis fragor maris cecidit. postquam pater Neptūnus, prōspiciēns mare sub apertō caelō, vertit equōs et agit currum ab illō locō.
Tier 3
sīc ait, et citius dictō, Neptūnus plācat tumida aequora, et fugat collēctās nubēs, et redūcit sōlem. Cȳmothoē simul et Trītōn adnīxus dētrūdunt nāvēs acūtō scopulō; Neptūnus ipse levat aliās nāvēs tridentī; et aperit vāstās syrtēs, et temperat aequor, atque perlābitur summās undās levibus rotīs.
ac velutī in magnō populō cum saepe sēditiō coorta est, et ignōbile vulgus saevit animīs, et iam facēs et saxa volant -- furor ministrat arma; tum, sī forte cōnspexērunt virum quem gravem pietāte ac meritīs, silent, et adstant auribus arrēctīs; ille regit animōs dictīs, et mulcet pectora --
sīc cūnctus fragor pelagī cecidit. postquam genitor, prōspiciēns aequora et, invectus apertō caelō, flectit equōs et volāns dat lōra secundō currū.
Tier 4: Grammatica
- sīc ait, et dictō citius tumida aequora plācat,
- collēctāsque fugat nūbēs, sōlemque redūcit.
- Cȳmothoē simul et Trītōn adnīxus acūtō
- dētrūdunt nāvēs scopulō; levat ipse tridentī;
- et vāstās aperit syrtēs, et temperat aequor,
- atque rotīs summās levibus perlābitur undās.
- ac velutī magnō in populō cum saepe coorta est
- sēditiō, saevitque animīs ignōbile vulgus,
- iamque facēs et saxa volant—furor arma ministrat;
- tum, pietāte gravem ac meritīs sī forte virum quem
- cōnspexēre, silent, arrēctīsque auribus adstant;
- ille regit dictīs animōs, et pectora mulcet —
- sīc cūnctus pelagī cecidit fragor, aequora postquam
- prōspiciēns genitor caelōque invectus apertō
- flectit equōs, currūque volāns dat lōra secundō.
Tier 4
- sīc ait, et dictō citius tumida aequora plācat,
- collēctāsque fugat nūbēs, sōlemque redūcit.
- Cȳmothoē simul et Trītōn adnīxus acūtō
- dētrūdunt nāvēs scopulō; levat ipse tridentī;
- et vāstās aperit syrtēs, et temperat aequor,
- atque rotīs summās levibus perlābitur undās.
- ac velutī magnō in populō cum saepe coorta est
- sēditiō, saevitque animīs ignōbile vulgus,
- iamque facēs et saxa volant—furor arma ministrat;
- tum, pietāte gravem ac meritīs sī forte virum quem
- cōnspexēre, silent, arrēctīsque auribus adstant;
- ille regit dictīs animōs, et pectora mulcet —
- sīc cūnctus pelagī cecidit fragor, aequora postquam
- prōspiciēns genitor caelōque invectus apertō
- flectit equōs, currūque volāns dat lōra secundō.
P. Vergilius Maro, Aeneid 1.157-179
Tier 2
sociī Aenēae erant dēfessī. contendunt petere lītora quae erant proxima. itaque sē vertērunt ad Libyam. est portus nāturālis in hōc locō. omnis unda frangitur saxīs.
circum īnsulam sunt vastae rūpēs et geminī scopulī surgunt in caelum. quoque est ātra silva dēsuper. sub fronte est antrum pendentibus saxīs et sellīs nāturālibus. est domus Nymphārum.
hīc nulla nāvis demittit ancoram. hūc Aenēās, cum septem nāvibus collēctīs ex classe, īit. ac magnō amōre terrae, Trōiānī ēgrediuntur et capiunt harēnam, et pōnunt membra in lītore.
ac prīmum Achātēs, socius Aenēae, facit ignem foliīs. tum Trōiānī capiunt Cererem corruptam aquā et īnstrūmenta, parant torrēre frumentum receptum flammīs et frangere saxō.
Tier 3
dēfessī Aeneadae, contendunt petere cursū lītora quae proxima et vertuntur ad ōrās Libyae. est locus in sēcessū longō: īnsula efficit portum obiectū laterum, quibus omnis unda ab altō frangitur et unda scindit sēsē reductōs in sinūs.
hinc atque hinc sunt vāstae rūpēs et geminī scopulī minantur in caelum, quōrum sub vertice lātē aequora sunt tūta et silent; tum est scaena coruscīs silvīs dēsuper et ātrum nemus imminet horrentī umbrā. sub fronte est antrum pendentibus scopulīs; intus sunt aquae dulcēs et sedīlia vīvō saxō, domus Nymphārum.
hīc ūlla vincula nōn tenent fessās nāvēs, ūlla ancora nōn alligat uncō morsū. hūc Aenēās, cum septem nāvibus collēctīs ex omnī numerō, subit; ac magnō amōre tellūris, Trōēs ēgressī sunt et potiuntur optātā harēnā, et pōnunt artūs tābentēs sale in lītore.
ac prīmum Achātēs excūdit scintilam silicī, et suscēpit ignem foliīs, atque dedit ārida nūtrīmenta circum, et rapuit flammam in fōmite. tum, fessī rērum, Trōiānī expediunt Cererem corruptam et arma Cereālia, et parant torrēre frūgēs receptās flammīs et frangere saxō.
Tier 4: Grammatica
- dēfessī Aeneadae, quae proxima lītora cursū
- contendunt petere et Libyae vertuntur ad ōrās.
- est in sēcessū longō locus: īnsula portum
- efficit obiectū laterum, quibus omnis ab altō
- frangitur inque sinūs scindit sēsē unda reductōs.
- hinc atque hinc vāstae rūpēs geminīque minantur
- in caelum scopulī, quōrum sub vertice lātē
- aequora tūta silent; tum silvīs scaena coruscīs
- dēsuper horrentīque ātrum nemus imminet umbrā.
- fronte sub adversā scopulīs pendentibus antrum;
- intus aquae dulcēs vīvōque sedīlia saxō,
- Nymphārum domus. hīc fessās nōn vincula nāvēs
- ūlla tenent, uncō nōn alligat ancora morsū.
- hūc septem Aenēās collēctīs nāvibus omnī
- ex numerō subit; ac magnō tellūris amōre
- ēgressī, optātā potiuntur Trōës harēnā,
- et sale tābentēs artūs in lītore pōnunt.
- ac prīmum silicī scintillam excūdit Achātēs,
- suscēpitque ignem foliīs, atque ārida circum
- nūtrīmenta dedit, rapuitque in fōmite flammam.
- tum Cererem corruptam undīs Cereāliaque arma
- expediunt fessī rērum, frūgēsque receptās
- et torrēre parant flammīs et frangere saxō.
Tier 4
- dēfessī Aeneadae, quae proxima lītora cursū
- contendunt petere et Libyae vertuntur ad ōrās.
- est in sēcessū longō locus: īnsula portum
- efficit obiectū laterum, quibus omnis ab altō
- frangitur inque sinūs scindit sēsē unda reductōs.
- hinc atque hinc vāstae rūpēs geminīque minantur
- in caelum scopulī, quōrum sub vertice lātē
- aequora tūta silent; tum silvīs scaena coruscīs
- dēsuper horrentīque ātrum nemus imminet umbrā.
- fronte sub adversā scopulīs pendentibus antrum;
- intus aquae dulcēs vīvōque sedīlia saxō,
- Nymphārum domus. hīc fessās nōn vincula nāvēs
- ūlla tenent, uncō nōn alligat ancora morsū.
- hūc septem Aenēās collēctīs nāvibus omnī
- ex numerō subit; ac magnō tellūris amōre
- ēgressī, optātā potiuntur Trōës harēnā,
- et sale tābentēs artūs in lītore pōnunt.
- ac prīmum silicī scintillam excūdit Achātēs,
- suscēpitque ignem foliīs, atque ārida circum
- nūtrīmenta dedit, rapuitque in fōmite flammam.
- tum Cererem corruptam undīs Cereāliaque arma
- expediunt fessī rērum, frūgēsque receptās
- et torrēre parant flammīs et frangere saxō.
P. Vergilius Maro, Aeneid 1.180-194
Tier 2
intereā Aenēās ascendit scopulum quod dēsīderāvit spectāre pelagum. voluit quaerere Anthea aut Phrygiās birēmēs aut Capyn aut arma Caīcī. Aenēās prōspicit nūllam nāvem sed prōspicit trēs cervōs in lītore. tōta armenta sequuntur hōs cervōs et aliī cervī comedunt herbās per vallēs.
Aenēās capit arcum et sagittās manū. prīmum mittit sagittās in ducēs quī habēbant capita alta cornibus arboreīs. tum miscet vulgus, agēns turbam tēlīs in silvam. Aenēās fundit septem ingentia corpora in terrā. Aenēās currit ad portum et dīvidit cervōs inter omnēs sociōs.
Tier 3
intereā Aenēās cōnscendit scopulum, et petit omnem prōspectum lātē pelagō, sī videat aliquem Anthea iactātum ventō et Phrygiās birēmēs, aut Capyn, aut arma Caīcī in celsīs puppibus. Aenēās prōspicit nūllam nāvem in cōnspectū sed prōspicit trēs cervōs errantēs lītore; tōta armenta sequuntur hōs ā tergō, et agmen longum pascitur per vallēs.
cōnstitit hīc et corripuit arcum manū et sagittās celerēs, quae tēla fīdus Achātēs gerēbat; prīmum sternit ductōrēs ipsōs, ferentēs capita alta cornibus arboreīs, tum miscet vulgus et omnem, agēns turbam tēlīs inter frondea nemora; nec absistit prius quam, victor, fundat septem ingentia corpora humī et aequet numerum cum nāvibus.
hinc petit portum, et partītur in omnēs sociōs.
Tier 4: Grammatica
- Aenēās scopulum intereā cōnscendit, et omnem
- prōspectum lātē pelagō petit, Anthea sī quem
- iactātum ventō videat Phrygiāsque birēmēs,
- aut Capyn, aut celsīs in puppibus arma Caīcī.
- nāvem in cōnspectū nūllam, trēs lītore cervōs
- prōspicit errantēs; hōs tōta armenta sequuntur
- ā tergō, et longum per vallēs pascitur agmen.
- cōnstitit hīc arcumque manū celerēsque sagittās
- corripuit, fīdus quae tēla gerēbat Achātēs;
- ductōrēsque ipsōs prīmum, capita alta ferentēs
- cornibus arboreīs, sternit, tum vulgus et omnem
- miscet agēns tēlīs nemora inter frondea turbam;
- nec prius absistit quam septem ingentia victor
- corpora fundat humī et numerum cum nāvibus aequet;
- hinc portum petit, et sociōs partītur in omnēs.
Tier 4
- Aenēās scopulum intereā cōnscendit, et omnem
- prōspectum lātē pelagō petit, Anthea sī quem
- iactātum ventō videat Phrygiāsque birēmēs,
- aut Capyn, aut celsīs in puppibus arma Caīcī.
- nāvem in cōnspectū nūllam, trēs lītore cervōs
- prōspicit errantēs; hōs tōta armenta sequuntur
- ā tergō, et longum per vallēs pascitur agmen.
- cōnstitit hīc arcumque manū celerēsque sagittās
- corripuit, fīdus quae tēla gerēbat Achātēs;
- ductōrēsque ipsōs prīmum, capita alta ferentēs
- cornibus arboreīs, sternit, tum vulgus et omnem
- miscet agēns tēlīs nemora inter frondea turbam;
- nec prius absistit quam septem ingentia victor
- corpora fundat humī et numerum cum nāvibus aequet;
- hinc portum petit, et sociōs partītur in omnēs.
P. Vergilius Maro, Aeneid 1.195-209
Tier 2
Aenēās revenit ad portum et dīvidit vīna. bonus hērōs, Acestēs, posuerat haec vina in amphorīs et dederat ea Aenēae in lītore Trīnacriō.
tunc Aenēās mulcet dolentia pectora verbīs: “ō sociī passī graviōra, (et scīmus mala), deus dabit fīnem hīs quoque.
“vōs appropinquavistis Scyllaeam furorem et sonāntēs scopulōs, vōs expertī estis saxa Cyclōpia. revocāte animōs et demittite timōrem; fortasse ōlim placēbit vobis meminisse haec.
“per variōs casus, per tot pericula, petimus Latium; ubi fāta dant nobis quiētās domōs. illīc est fās rēgna Trōiae resurgere. remanēte fortēs!”
Aenēās dixit tālia verba sed erat aeger ingentibus cūrīs. simulat spem vultū et premit dolōrem in corde.
Tier 3
deinde dīvidit vīna quae bonus hērōs Acestēs onerārat cadīs et dederat lītore Trīnacriō abeuntibus, et mulcet maerentia pectora dictīs: “ō sociī (neque enim sumus ignārī ante malōrum), ō passī graviōra, deus dabit fīnem hīs quoque.
“vōs et accestis Scyllaeam rabiem et penitus sonantēs scopulōs, vōs et expertī estis saxa Cyclōpia. revocāte animōs et mittite maestum timōrem; forsan ōlim iuvābit meminisse et haec. per variōs casus, per tot discrīmina rērum, tendimus in Latium; ubi fāta ostendunt quiētās sēdēs. illīc fās rēgna Trōiae resurgere. dūrāte, et servāte vōsmet secundīs rebus.”
refert tālia vōce, et aeger ingentibus cūrīs, simulat spem vultū, premit altum dolōrem corde.
Tier 4
- vīna bonus quae deinde cadīs onerārat Acestēs
- lītore Trīnacriō dederatque abeuntibus hērōs,
- dīvidit, et dictīs maerentia pectora mulcet:
- 'ō sociī (neque enim ignārī sumus ante malōrum),
- ō passī graviōra, dabit deus hīs quoque fīnem.
- vōs et Scyllaeam rabiem penitusque sonantēs
- accestis scopulōs, vōs et Cyclōpia saxa
- expertī: revocāte animōs maestumque timōrem
- mittite; forsan et haec ōlim meminisse iuvābit.
- per variōs casus, per tot discrīmina rērum
- tendimus in Latium; sēdēs ubi fāta quiētās
- ostendunt; illīc fās rēgna resurgere Trōiae.
- dūrāte, et vōsmet rēbus servāte secundīs.'
- tālia vōce refert, cūrīsque ingentibus aeger
- spem vultū simulat, premit altum corde dolōrem.
We're giving you the whole first half of Aeneid to base your judgment on. Focus, as you read, on Books 1, 2, 4, and 6, please. Skim the others, and use them as you like but it'll be helpful to have a larger overview of the Aeneid as we move forward.
Secondary help, too:
Promised Verse: Poets in the Society of Augustan Rome by Peter White
Review by: Roland Jeffreys
Phoenix, Vol. 49, No. 3 (Autumn, 1995), pp. 263-265
Published by: Classical Association of Canada
Article DOI: 10.2307/1192528
Article Stable URL: http://www.jstor.org/stable/1192528
Text-briefing: Aeneid Book 1, Book 2, Book 3, Book 4, Book 5, Book 6