P. Vergilius Maro, Aeneid 2.201-227
Tier 1
Lāocoōn erat sacerdōs et Neptunus eum duxit ad aras sollemnes. Lāocoōn taurum ingentem sacrificābat. ecce autem duo serpentes āb insulā per oceanum tranquillum in immēnsīs circulīs movebat et ambo ad lītora extendunt.
serpentes per oceanum movent, capita sanguinea super undas. aqua post serpentes fluit et immensa terga circulant. clamor accidit, aqua spumante; et iam serpentes in terra stabant. serpentes oculos ardentes sanguine et igni habebant. serpentes ora lambebant linguis vibrantibus.
diffugimus perterriti. illī serpentes directe ad Lāocoōnta petunt; et prīmum, ambo serpēntes parva corpora duōrum filiorum implicat et miserōs dentibus devorat; serpentes capiunt Lāocoōnta (qui auxilio appropinquabat) et caudis ingentibus tenent; et iam bis medium Lāocoōnta capiunt, bis circum terga collō datī superant capite et cervīcibus altīs.
Lāocoōn nodōs solvere temptat et vittās perfūsus est sanguine et ātrō venēnō. tollit clāmōrēs horrendōs ad sīdera, quālēs clāmōrēs cum taurus vulnērātus fūgit āram et dēicit secūrim cervīce.
at geminī dracōnēs fugiunt ad summa templa et petunt arcem Minervae. servantur sub pedibus deae et sub clipeō.
Tier 2
Lāocoōn, sacerdōs ductus (ā) Neptūnō sorte, ad ārās sollemnēs stabat. Lāocoōn taurum ingentem sacrificābat. ecce autem duo serpentes āb insulā nomine Tenedo per oceanum tranquillum (ego timeo referēns!) immēnsīs circulīs incumbunt oceano et ambo ad lītora tendunt;
pectora serpentium surrecta sunt inter undas aquae, capita sanguinea superant undās, pars oceanī post eos fluit et immensa terga volumine plicat. fit sonitus spūmante salō; iamque serpentēs terras tenebant ardentēsque oculōs plenos sanguine et ignī habebant et sībila ōra lambēbant linguīs vibrantibus.
diffugimus vīsū perterriti. illī serpentes directe ad Lāocoōnta petunt; et prīmum, uterque serpēns parva corpora duōrum filiorum amplexus et implicat et miserōs dentibus devorat; post Lāocoōnta appropinquantem auxiliō ac tēla ferentem serpentes corripiunt et circulis ingentibus ligant; et iam bis medium amplexī, bis circum terga collō datī superant capite et cervīcibus altīs.
Lāocoōn simul manibus nodōs dīvellere tendit et vittās perfūsus est saniē et ātrō venēnō. tollit clāmōrēs horrendōs ad sīdera, quālēs mūgītūs cum taurus saucius fūgit āram et excussit incertam secūrim cervīce.
at geminī dracōnēs lāpsū ad summa dēlūbra et petunt arcem saevae Trītōnidis. teguntur sub pedibus deae et sub orbe clipeī.
Tier 3
Lāocoōn, sacerdōs ductus (ā) Neptūnō sorte, ad ārās sollemnēs taurum ingentem mactābat. ecce autem geminī anguēs ā Tenedō per alta tranquilla (horrēscō referēns) immēnsīs orbibus incumbunt pelagō pariterque ad lītora tendunt;
pectora quōrum arrēcta inter flūctūs iubaeque sanguineae superant undās, pars cētera pontum pōne legit sinuatque immēnsa terga volūmine. fit sonitus spūmante salō; iamque arva tenebant ardentēsque oculōs suffectī sanguine et ignī sībila ōra lambēbant linguīs vibrantibus.
diffugimus vīsū exsanguēs. illī (serpentes) agmine certō Lāocoōnta petunt; et prīmum, uterque serpēns parva corpora duōrum nātōrum amplexus implicat et miserōs artūs morsū dēpascitur; post ipsum (Lāocoōnta) subeuntem auxiliō ac tēla ferentem (serpentes) corripiunt spīrīsque ingentibus ligant; et iam bis medium amplexī, bis collō squāmea terga circumdatī superant capite et cervīcibus altīs.
ille simul manibus tendit dīvellere nōdos, vittās perfūsus saniē ātrōque venēnō, simul tollit clāmōrēs horrendōs ad sīdera; quālis mūgītus, cum taurus saucius fūgit āram et excussit secūrim incertam cervīce.
at geminī dracōnēs effugiunt, lāpsū, ad summa dēlūbra et petunt arcem saevae Trītōnidis, et teguntur sub pedibus deae clipeīque sub orbe.
Tier 4
- Lāocoōn, ductus Neptūnō sorte sacerdōs,
- sollemnēs taurum ingentem mactābat ad ārās.
- ecce autem geminī ā Tenedō tranquilla per alta
- (horrēscō referēns) immēnsīs orbibus anguēs
- incumbunt pelagō pariterque ad lītora tendunt;
- pectora quōrum inter flūctūs arrēcta iubaeque
- sanguineae superant undās, pars cētera pontum
- pōne legit sinuatque immēnsa volūmine terga.
- fit sonitus spūmante salō; iamque arva tenebant
- ardentēsque oculōs suffectī sanguine et ignī
- sībila lambēbant linguīs vibrantibus ōra.
- diffugimus vīsū exsanguēs. illī agmine certō
- Lāocoōnta petunt; et prīmum parva duōrum
- corpora nātōrum serpēns amplexus uterque
- implicat et miserōs morsū dēpascitur artūs;
- post ipsum auxiliō subeuntem ac tēla ferentem
- corripiunt spīrīsque ligant ingentibus; et iam
- bis medium amplexī, bis collō squāmea circum
- terga datī superant capite et cervīcibus altīs.
- ille simul manibus tendit dīvellere nōdos
- perfūsus saniē vittās ātrōque venēnō,
- clāmōrēs simul horrendōs ad sīdera tollit;
- quālis mūgītus, fūgit cum saucius āram
- taurus et incertam excussit cervīce secūrim.
- at geminī lāpsū dēlūbra ad summa dracōnēs
- effugiunt saevaeque petunt Trītōnidis arcem,
- sub pedibusque deae clipeīque sub orbe teguntur.