Episode 12.3.a
>Aegyptus, 80 CE<
oculōs aperītis. in harēnā iacētis. Tertius prope vōs sedet; sōl iam occidit, et nox prope est. circumspicitis: fōrmās pyramidum procul vidēre potestis. ibi quoque, prope pyramidēs, fōrmās virōrum vidētis.
Tertius surgit et ad vōs ambulat.
"bene!" exclāmat. "maiōra fēcistis quam intellegitis. ex verbīs vestrīs dē proeliō, et ex librīs Mūsaeī, TSTT iam locum praetōriī Potentium invēnit. et nōs prope illum locum posuit.
"praetereā crēdimus Hannibalem Lapidem sēcum tulisse cum in exsilium iit, post bellum Pūnicum alterum. itaque Potentēs hīc Lapidem quaerunt, sīcut vōs. nisi eum iam invēnērunt! fortasse prope fīnem disciplīnae estis!"
surgit, et manū ad pyramidēs mōnstrat.
"crēdimus portam praetōriī duo mīlia passuum illāc abesse. . ."
post hōram, portam vidētis: est porta saxea in saxō, quam numquam diē vīdissētis. sed sub portā, sine dubiō, lūmen ignis lūcet.
Tertius vōbīs ultimum cōnsilium dat: "etiam cum signō, aliquid fingere dēbēbitis. bona fortūna vōbīs sit!"
cōnstituitis ad portam ambulāre quasi ibi esse dēbeātis. quamquam oculī inimīcōrum vōs spectant, fortissimī estis. nūlla tēla vōs percutere possunt! adestis. ūnus ex Recentiīs portam dūram manū pulsat.
"quī estis?" inquit vōx intus.
Prompt: Make your reply.
