Episode 14.2.b
>in praetōriō Societātis Potentium, in Aegyptō, 80 CE<
postquam omnēs custōdēs superāvistis, Marcus plūrēs custōdēs vocat. illī, ad Marcum currentēs, gladiōs tollunt. Marcus ad Recentiōs rīdet.
"stultī iuvenēs," clāmat. "nōn potestis mē vincere."
subitō aliam vōcem audītis. est Tertius!
"semper vōs servābō, ō Recentiī!" clāmat Tertius, gladium tollēns.
tum tertia vōx clāmat: "ego illud concēdere nōn possum. Lapis meus est! nōn est eōrum!" statim illam vōcem cognōscitis. Sinistrus adest.
Tertius tamen Sinistrum nōn videt. Marcum sōlum spectat, et custōdēs. "quis dīcit?" rogat. "nēminem alium videō."
sed vōs Sinistrum et vidētis et audītis. "caudicēs, vōs omnēs!" inquit Sinistrus. "vōs mē ad Lapidem dūxistis! nunc ego potentiam eius capere possum!"
iānua ad ultimum conclāve mox claudētur!
agendum: manēte et pugnāte cum Tertiō contrā Marcum, aut temptāte in ultimum conclāve intrāre.
