Episode 14.3.b
>in conclāvī ultimō praetōriī Societātis Potentium, in Aegyptō, 80 CE<
"longē vēnistis, amīcī," inquit vōx nōta. vōs vertitis, Tertium vidēre exspectantēs. sed iānua post vōs clausa est. quōmodo Tertius in conclāve venīre potuit?
"nōnne mīrum est Sextum vidēre? ita vērō, nam mīrum est mihi quoque hīc adesse," inquit imāgō Sextī.
rēs profectō inexspectāta est. Sextus, quī in clāde Pompēiōrum relictus est, ante oculōs vestrōs pendet, trānslūcidus.
imāgō Sextī rīdet. "ita vērō, ō amīcī, vidētis imāginem Sextī, aut umbram... nesciō. hoc sōlum sciō: nunc vōbīscum adsum. in Pompēiīs periī, et nunc hīc in Aegyptum advēnī; nesciō quōmodo.
"sed audīte! putō tempus nostrum breve esse. dēbēmus cōnsilium capere prō vōbīs in futūrīs. iānua Marcum nōn in aeternum prohibēbit, et anxius sum dē Tertiō. dēbēmus invenīre: ubi est Lapis? nam hīc nōn manet. et plūs dīcam: Mission Control quoque in umbrīs est, sīcut vōs hīc in umbrīs estis."
imāgō Sextī per vōs ad aureum movet. "Marcus Antōnius et Octāviānus...," inquit. nōn plūra dīcit.
agendum: dīcite Sextō dē futūrīs. quō iit Lapis?
