P. Cornelius Tacitus, Agricola 23
The chapter covers Agricola's fourth summer (80 CE) and the narrow neck of land between the Firths of Clyde and Forth.
Tier 1
quārtā aestāte Agricola loca quae iam cēperat tenēbat et firmābat.
in ipsā Britanniā fīnis bonus erat, et Rōmānī ibi cōnsistere poterant. sed Rōmānī fortēs erant et glōriam amābant; itaque ibi cōnsistere nōlēbant.
duo aestuāria, Clōta et Bodotria, ex duōbus maribus longē in terram intrant. inter ea parvum spatium terrae est. Agricola hoc spatium praesidiīs firmāvit, et Rōmānī tōtam terram prope sē tenēbant. hostēs nunc sīcut in aliā īnsulā erant.
Tier 2
quārtā aestāte Agricola loca quae percucurrerat firmābat et obtinēbat.
in ipsā Britanniā fīnis inventus erat; sed virtūs exercitūs et glōria nōminis Rōmānī ibi cōnsistere nōn patiēbantur.
Clōta enim et Bodotria aestibus dīversōrum marium longē in terram intrant, et angustō spatiō terrae dīviduntur. hoc spatium tum praesidiīs firmābātur, et tōta pars propior tenēbātur. hostēs enim quasi in aliam īnsulam summōtī erant.
Tier 3
quārta aestās obtinendīs [eīs] quae [Agricola] percucurrerat īnsūmpta [est];
ac, sī virtūs exercitūs et Rōmānī nōminis glōria paterētur, in ipsā Britanniā terminus inventus [erat].
namque Clōta et Bodotria, dīversī maris aestibus per immēnsum revectae, angustō terrārum spatiō dirimuntur:
quod [spatium] tum praesidiīs firmābātur, atque omnis propior sinus tenēbātur, hostibus velut in aliam īnsulam summōtīs.
Liber Ipse
quārta aestās obtinendīs quae percucurrerat īnsūmpta; ac, sī virtūs exercitūs et Rōmānī nōminis glōria paterētur, inventus in ipsā Britanniā terminus. namque Clōta et Bodotria dīversī maris aestibus per immēnsum revectae, angustō terrārum spatiō dirimuntur: quod tum praesidiīs firmābātur atque omnis propior sinus tenēbātur, summōtīs velut in aliam īnsulam hostibus.
Latin text: Cynthia Damon (ed.), Tacitus: Agricola, Dickinson College Commentaries, 2016, CC BY-SA 3.0. Tiers 1, 2 and 3 are adapted from it and shared under the same license.