Titus Livius, Ab Urbe Condita [2.10.7-10]
Cocles was joined by two men to hold off the attack while the bridge is destroyed. When the bridge is almost destroyed, he sends the other two men back and challenges the enemies to one on one combat.
Tier 1
pudor duos viros cum Horatio tenuit, ambos famosos familia et factis suis.
Horatius cum his duobus sustinuit primam tempestatem et partem pugnae quae pessima erat;
deinde Larcinus et Herminius revocati a quibus pontem frangebant, in tutum iverunt nam tantum parva pars pontis relicta est;
deinde Horatius saevis oculis minaciter spectabat Etruscos et provocabat singulos et omnes clamabat:
"servi estis regum arrogantium, immemores tuae libertatis, venitis oppugnatum libertatem alienam."
Etrusci haesitaverunt dum alius alium circumspectat ut proelium incipiant;
deinde pudor lineam Etruscorum movit, et clamore omnes Etrusci in unum hostem tela iaciunt.
Horatius omnia tela scuto capit, neque minus obstinatus, pontem tenet.
Etrusci temptabant Horatium expellere impetu, cum et fragor rupti pontis et clamor Romanorum sustinuit impetum subito metu.
Tier 2
tamen pudor duos cum eo tenuit, Sp. Larcium ac T. Herminium, ambos claros genere factisque.
cum his parumper sustinuit primam procellam periculi et quod tumultuosissimum pugnae erat;
deinde exigua parte pontis relicta revocantibus qui rescindebant, eos quoque ipsos cedere in tutum coegit.
inde minaciter circumferens truces oculos ad proceres Etruscorum nunc provocare singulos, nunc increpare omnes:
servitia regum superborum, immemores suae libertatis, venire oppugnatum alienam.
cunctati sunt aliquamdiu, dum alius alium circumspectant ut proelium incipiant;
deinde pudor commovit aciem, et clamore sublato, undique tela coniciunt in unum hostem.
quae cum cuncta haesissent in obiecto scuto, neque ille minus obstinatus obtineret pontem ingenti gradu,
iam conabantur detrudere virum impetu, cum simul fragor rupti pontis, simul clamor Romanorum, sublatus alacritate perfecti operis, sustinuit impetum subito pavore.
Segmented Reader
Duos tamen cum eo pudor tenuit,
Sp. Larcium ac T. Herminium,
ambos claros genere factisque.
Cum his
primam periculi procellam
et quod tumultuosissimum pugnae erat
parumper sustinuit;
deinde eos quoque ipsos
exigua parte pontis relicta
revocantibus
qui rescindebant cedere in tutum coegit.
Circumferens inde truces minaciter oculos
ad proceres Etruscorum
nunc singulos provocare,
nunc increpare omnes:
servitia regum superborum,
suae libertatis immemores
alienam oppugnatum venire.
Cunctati aliquamdiu sunt,
dum alius alium,
ut proelium incipiant,
circumspectant;
pudor deinde commovit aciem,
et clamore sublato
undique in unum hostem
tela coniciunt.
Quae cum in obiecto cuncta scuto haesissent,
neque ille minus obstinatus
ingenti pontem obtineret gradu,
iam impetu conabantur detrudere virum,
cum simul fragor rupti pontis,
simul clamor Romanorum,
alacritate perfecti operis sublatus,
pavore subito impetum sustinuit.
Tier 3 - Liber Ipse
Duos tamen cum eo pudor tenuit, Sp. Larcium ac T. Herminium, ambos claros genere factisque. Cum his primam periculi procellam et quod tumultuosissimum pugnae erat parumper sustinuit; deinde eos quoque ipsos exigua parte pontis relicta revocantibus qui rescindebant cedere in tutum coegit. Circumferens inde truces minaciter oculos ad proceres Etruscorum nunc singulos provocare, nunc increpare omnes: servitia regum superborum, suae libertatis immemores alienam oppugnatum venire. Cunctati aliquamdiu sunt, dum alius alium, ut proelium incipiant, circumspectant; pudor deinde commovit aciem, et clamore sublato undique in unum hostem tela coniciunt. Quae cum in obiecto cuncta scuto haesissent, neque ille minus obstinatus ingenti pontem obtineret gradu, iam impetu conabantur detrudere virum, cum simul fragor rupti pontis, simul clamor Romanorum, alacritate perfecti operis sublatus, pavore subito impetum sustinuit.
Written by Robert Amstutz
