non sciebas te recenter nupsisse Q. Metellum, virum famosissimum et fortissimum qui patriam nostram valde amat,

Q. Metellum qui, cum primum e domo exierat, superabat paene omnes cives virtute, gloria, dignitate?

Caelius non fuit in familia tua, non fuit amicus viri tui. quid fuit nisi libido tua?

si viri familiae nostrae te non movebant, nonne mea progenies, Q. Claudia, te sequi exemplum Claudiae admonebat,

nonne virgo Vestalis Claudia quae, complexa patrem in triumpho, defendit patrem ab inimico tribuno plebei?

cur vitia fratris tui te moverunt potius quam bona exempla et virorum et feminarum in familia tua?

fregine ego pacem Pyrrhi ut tu cotidie ferires foedera amorum,

ducine ego aquam ut tu ea aqua turpiter lavareris, feci viam ut tu venires et ires cum viris aliarum feminarum?'

denique non sciebas te modo tenuisse matrimonium Q. Metelli, viri clarissimi ac fortissimi patriaeque amantissimi,

qui simul ac extulerat pedem limine, superabat prope omnis civis virtute, gloria, dignitate?

cum nupsisses in familiam clarissimam ex amplissimo genere, cur Caelius tibi tam coniunctus fuit?

cognatus, adfinis, viri tui familiaris? (Caelius fuit) nihil eorum.

quid fuit igitur nisi quaedam temeritas ac libido?

si nostrae imagines viriles non commovebant, nonne te ne progenies mea quidem, Q. illa Claudia, esse aemulam domesticae laudis in gloria muliebri admonebat,

non (te admonebat) virgo illa Vestalis Claudia quae complexa patrem triumphantem non passa est (patrem) detrahi de curro ab inimico tribuno plebei?

cur fraterna vitia te moverunt potius quam bona paterna et avita et usque ab nobis cum in viris tum in feminis repetita?

ideone ego diremi pacem Pyrrhi ut tu cotidie ferires foedera amorum turpissimorum,

ideo aquam adduci ut tu uterere ea inceste, ideo viam munivi ut celebrares eam comitata alienis viris?'

non denique modo

te Q. Metelli matrimonium tenuisse sciebas,

clarissimi ac fortissimi viri

patriaeque amantissimi,

qui simul ac pedem limine extulerat,

omnis prope civis

virtute, gloria, dignitate

superabat?

cum

ex amplissimo genere

in familiam clarissimam nupsisses,

cur tibi Caelius tam coniunctus fuit?

cognatus, adfinis, viri tui familiaris?

nihil eorum.

quid igitur fuit

nisi quaedam temeritas ac libido?

nonne te,

si nostrae imagines viriles

non commovebant,

ne progenies quidem mea,

Q. illa Claudia,

aemulam domesticae laudis

in gloria muliebri esse admonebat,

non virgo illa Vestalis Claudia

quae patrem complexa triumphantem

ab inimico tribuno plebei

de curru detrahi passa non est?

cur te fraterna vitia

potius quam bona paterna

et avita et usque a nobis

cum in viris tum etiam in feminis repetita

moverunt?

ideone ego pacem Pyrrhi diremi

ut tu amorum turpissimorum cotidie foedera ferires,

ideo aquam adduxi

ut ea tu inceste uterere,

ideo viam munivi

ut eam tu alienis viris comitata celebrares?'

non denique modo te Q. Metelli matrimonium tenuisse sciebas, clarissimi ac fortissimi viri patriaeque amantissimi, qui simul ac pedem limine extulerat, omnis prope civis virtute, gloria, dignitate superabat? cum ex amplissimo genere in familiam clarissimam nupsisses, cur tibi Caelius tam coniunctus fuit? cognatus, adfinis, viri tui familiaris? nihil eorum. quid igitur fuit nisi quaedam temeritas ac libido? nonne te, si nostrae imagines viriles non commovebant, ne progenies quidem mea, Q. illa Claudia, aemulam domesticae laudis in gloria muliebri esse admonebat, non virgo illa Vestalis Claudia quae patrem complexa triumphantem ab inimico tribuno plebei de curru detrahi passa non est? cur te fraterna vitia potius quam bona paterna et avita et usque a nobis cum in viris tum etiam in feminis repetita moverunt? ideone ego pacem Pyrrhi diremi ut tu amorum turpissimorum cotidie foedera ferires, ideo aquam adduxi ut ea tu inceste uterere, ideo viam munivi ut eam tu alienis viris comitata celebrares?'