C. Valerius Catullus, Carmen 68.101–108
The passage returns to Laodamia and the Greek expedition against Troy. Paris, the Trojan prince, appears.
Tier 1
Paris mulierem rapuit et gaudēbat. Graecī nōn voluērunt eum in pāce et ōtiō vīvere. itaque iuvenēs undique ad Trōiam properāvērunt et domōs suās relīquērunt.
tum, ō Lāodamīa pulcherrima, coniūnx tuus tibi ēreptus est; vītā et animā dulcior erat.
amor tuus tē sīcut flūmen magnum cēpit et in locum altum et ātrum in terrā dētulit.
Tier 2
pūbēs Graecae undique properāns dīcitur penetrālīs domōs dēseruisse.
Paris abductā moechā laetus est. nē Paris lībera ōtia pācātō in thalamō dēgeret!
quō cāsū tibi, pulcerrima Lāodamīa, coniugium ēreptum est, vītā dulcius atque animā.
amōris vīs, tē absorbēns tantō vertice, in abruptum barathrum dētulerat.
Tier 3
tum pūbēs Graecae fertur dēseruisse penetrālīs focōs, properāns undique ad quam, nē Paris, gāvīsus abductā moechā, dēgeret lībera ōtia in pācātō thalamō.
quō cāsū tum, pulcerrima Laudamīa, coniugium dulcius vītā atque animā ēreptum est tibi:
aestus amōris dētulerat in abruptum barathrum, tē absorbēns tantō vertice.
Tier 4 - Carmen Ipsum
- ad quam tum properāns fertur undique pūbēs
- Graecae penetrālīs dēseruisse focōs,
- nē Paris abductā gāvīsus lībera moechā
- ōtia pācātō dēgeret in thalamō.
- quō tibi tum cāsū, pulcerrima Laudamīa,
- ēreptum est vītā dulcius atque animā
- coniugium: tantō tē absorbēns vertice amōris
- aestus in abruptum dētulerat barathrum,
Original draft written by Robert Amstutz
