C. Valerius Catullus, Carmen 68.67–72
The passage is about the house that Allius provided, where Catullus and his beloved met.
Tier 1
Allius mihi viam clausam aperuit. is domum mihi et dominae dedit. in eā domō amōrēs nostrōs agimus.
ad eam domum domina mea, pulchra et candida, vēnit. pede mollī ad līmen vēnit et pedem candidum in līmine posuit.
Tier 2
is clausum campum lātā viā patefēcit.
isque domum nōbīs isque dominae dedit, ad quam commūnēs amōrēs exercērēmus.
quō mea puella candida mollī pede sē intulit. argūtā soleā innīxa, fulgentem plantam in trītō līmine cōnstituit.
Tier 3
is patefēcit clausum campum lātō līmite, isque dedit domum nōbīs isque dominae, ad quam exercērēmus commūnēs amōrēs.
quō mea candida dīva sē intulit mollī pede et cōnstituit fulgentem plantam in trītō līmine, innīxa argūtā soleā.
Tier 4 - Carmen Ipsum
- is clausum lātō patefēcit līmite campum,
- isque domum nōbīs isque dedit dominae,
- ad quam commūnēs exercērēmus amōrēs.
- quō mea sē mollī candida dīva pede
- intulit et trītō fulgentem in līmine plantam
- innīxa argūtā cōnstituit soleā,
Original draft written by Robert Amstutz
