C. Valerius Catullus, Carmen 68.57–66
Catullus describes the help Allius gave him through two extended images: a mountain stream and a fair wind sent to sailors by the twin gods Castor and Pollux.
Tier 1
flūmen est in monte altō. aqua dulcis ē saxō effunditur et dē monte currit.
per agrōs et per multōs hominēs it. vir fessus iter facit. sōl gravis agrōs frangit. aqua dulcis eī auxilium est.
virī in nāve sunt, et ventus āter mare movet. Castor et Pollūx precibus vocantur; tum aura secunda venit.
Allius mihi tāle auxilium fuit.
Tier 2
rīvus in vertice altī montis perlūcēns ē muscōsō lapide prōsilit.
dē prōnā valle praeceps revolūtus per medium dēnsī populī iter trānsit.
dulcis rēs viātōrī fessō in sūdōre est, cum gravis aestus incēnsōs agrōs dīvidit.
hic, velut aura secunda, lēnius aspīrāns venit nautīs iactātīs in ātrā tempestāte.
iam prece Pollūcis, iam Castoris implōrāta. tāle fuit nōbīs Allius auxilium.
Tier 3
Allius fuit nōbīs tāle auxilium,
quālis rīvus, perlūcēns in vertice āeriī montis, prōsilit ē muscōsō lapide, quī cum praeceps est volūtus dē prōnā valle, trānsit per medium iter dēnsī populī,
dulce levāmen viātōrī lassō in sūdōre, cum gravis aestus hiulcat exustōs agrōs:
hic, velut aura secunda venit lēnius aspīrāns nautīs iactātīs in nigrō turbine, iam prece Pollūcis, iam Castoris implōrāta.
Tier 4 - Carmen Ipsum
- quālis in āeriī perlūcēns vertice montis
- rīvus muscōsō prōsilit ē lapide,
- quī cum dē prōnā praeceps est valle volūtus,
- per medium dēnsī trānsit iter populī,
- dulce viātōrī lassō in sūdōre levāmen,
- cum gravis exustōs aestus hiulcat agrōs:
- hic, velut in nigrō iactātīs turbine nautīs
- lēnius aspīrāns aura secunda venit
- iam prece Pollūcis, iam Castoris implōrāta,
- tāle fuit nōbīs Allius auxilium.
Original draft written by Robert Amstutz
