C. Valerius Catullus, Carmen 68.19–26
Catullus explains what has changed for him. The passage is a lament for his brother.
Tier 1
sed mors frātris meī haec studia mihi abstulit. ō frāter, tū mihi miserō ēreptus es!
tū, frāter, moriēns, omnia mea bona frēgistī. tēcum domus nostra tōta in sepulcrō est.
omnia gaudia nostra tēcum periērunt; amor tuus dulcis ea in vītā alēbat.
morte tuā haec studia et omnēs voluptātēs animī ē mente meā fugāvī.
Tier 2
frāterna mors haec studia lūctū mihi abstulit. ō frāter, miserō mihi rapte!
tū, tū moriēns mea commoda frēgistī, frāter. ūnā tēcum tōta nostra domus sepulta est.
omnia nostra gaudia tēcum periērunt. tuus dulcis amor ea in vītā alēbat.
morte tuā haec studia atque omnēs dēliciās animī dē tōtā mente fugāvī.
Tier 3
sed frāterna mors abstulit mihi tōtum hoc studium lūctū.
ō frāter adēmpte miserō mihi, tū, tū moriēns frēgistī mea commoda, frāter, ūnā tēcum tōta nostra domus sepulta est,
omnia nostra gaudia periērunt ūnā tēcum, quae tuus dulcis amor in vītā alēbat.
cuius interitū ego fugāvī dē tōtā mente haec studia atque omnēs dēliciās animī.
Tier 4 - Carmen Ipsum
- sed tōtum hoc studium lūctū frāterna mihi mors
- abstulit. ō miserō frāter adēmpte mihi,
- tū mea tū moriēns frēgistī commoda, frāter,
- tēcum ūnā tōta est nostra sepulta domus,
- omnia tēcum ūnā periērunt gaudia nostra,
- quae tuus in vītā dulcis alēbat amor.
- cuius ego interitū tōtā dē mente fugāvī
- haec studia atque omnēs dēliciās animī.
Original draft written by Robert Amstutz
