C. Valerius Catullus, Carmen 91: To Gellius: Mistakes were made...
The last of the four poems against Gellius: Catullus addresses him about the trust he once placed in him during an unhappy love.
Tier 1
Gellī, spērābam tē futūrum esse fīdum mihi in hōc miserō meō, in hōc malō amōre,
nōn quod tam bene tē cognōvissem neque quod putārem tē cōnstantem esse aut posse prohibēre mentem tuam ā malō;
sed quod vidēbam hanc puellam nec mātrem tuam nec sorōrem tuam esse, hanc puellam cuius magnus amor mē capiēbat.
quamquam tū et ego proximī sumus,
nōn crēdideram proximitātem satis esse tibi.
sed satis est tibi: est tanta laetitia tibi in omnī culpā, faciēns malum tibi placet.
Tier 2
Gellī, ideō spērābam tē fore fīdum mihi in hōc miserō nostrō, hōc perditō amōre,
nōn quod cognōvissem tē bene putāremve cōnstantem aut posse inhibēre mentem ā turpī probrō;
sed quod vidēbam hanc neque mātrem neque germānam esse tibi, [hanc] cuius magnus amor edēbat mē.
et quamvīs coniungerer tēcum multō ūsū,
nōn crēdideram id satis esse tibi.
tū dūxistī id satis: est tantum gaudium tibi in omnī culpā, in quācumque est aliquid sceleris.
Tier 3 - Carmen Ipsum
- nōn ideō, Gellī, spērābam tē mihi fīdum
- in miserō hōc nostrō, hōc perditō amōre fore,
- quod tē cognōssem bene cōnstantemve putārem
- aut posse ā turpī mentem inhibēre probrō;
- sed neque quod mātrem nec germānam esse vidēbam
- hanc tibi, cuius mē magnus edēbat amor.
- et quamvīs tēcum multō coniungerer ūsū,
- nōn satis id causae crēdideram esse tibi.
- tū satis id dūxtī: tantum tibi gaudium in omnī
- culpā est, in quācumque est aliquid sceleris.
Original draft written by Robert Amstutz