C. Valerius Catullus, Carmen 86: To Lesbia: True Beauty
Catullus compares two women, Quintia, whom many people call beautiful, and Lesbia. Venus, the goddess of love and beauty, is named.
Tier 1
Quīntia fōrmōsa est multīs virīs.
mihi Quīntia est candida, et longa, et rēcta: ego cōnfiteor haec singula.
negō tōtum illud "fōrmōsa":
nam nūlla venustās, nūlla mīca salis est in tam magnō corpore.
Lesbia fōrmōsa est, Lesbia quae nōn sōlum pulcherrima tōta est, sed etiam ūna surripuit omnēs Venerēs ab omnibus.
Tier 2
Quīntia fōrmōsa est multīs.
mihi candida, longa, rēcta est: ego haec singula sīc cōnfiteor.
negō illud tōtum fōrmōsa: nam nūlla venustās, nūlla mīca salis est in tam magnō corpore.
Lesbia fōrmōsa est, quae cum pulcherrima tōta est, tum ūna surripuit Venerēs omnibus.
Tier 3 - Carmen Ipsum
- Quīntia fōrmōsa est multīs. mihi candida, longa,
- rēcta est: haec ego sīc singula cōnfiteor.
- tōtum illud fōrmōsa negō: nam nūlla venustās,
- nūlla in tam magnō est corpore mīca salis.
- Lesbia fōrmōsa est, quae cum pulcerrima tōta est,
- tum omnibus ūna omnīs surripuit Venerēs.
Original draft written by Robert Amstutz