C. Valerius Catullus, Carmen 84: To Arrius: Social Trends
A comic poem about the speech of a man named Arrius and his family, and about his journey to the province of Syria. The Ionian Sea is named.
Tier 1
Arrius male dīcit. Arrius dīcēbat chommoda sī vellet dīcere commoda, et hīnsidiās sī vellet dīcere īnsidiās,
et tum crēdēbat sē dīcere bene, cum dīxerat hīnsidiās tam saepe quam poterat.
ego crēdō, māter eius sīc dīxerat, et līber avunculus eius sīc dīxerat. ego crēdō sīc māternus avus et avia dīxerant.
cum Arrius in Syriam missus est, omnēs aurēs requiēscere poterant
audībant haec verba rēctē dicta,
nec posteā timēbant tālia verba male dicta,
cum subitō nūntius horribilis affertur,
mare Īonium, postquam Arrius advēnerat, iam nōn Īonium esse, sed Hīonium.
Tier 2
Arrius dīcēbat chommoda sī quandō vellet commoda, et hīnsidiās [sī quandō vellet] īnsidiās,
et tum spērābat sē esse locūtum mīrificē, cum dīxerat hīnsidiās quantum poterat.
crēdō, sīc [dīxerat] māter, sīc līber avunculus eius. sīc eius māternus avus atque avia dīxerant.
hōc missō in Syriam aurēs omnium requiērant
audībant haec eadem lēniter et leviter,
nec postillā metuēbant sibi tālia verba,
cum subitō nūntius horribilis affertur,
Īoniōs flūctūs, postquam Arrius īsset illūc, iam nōn Īoniōs esse sed Hīoniōs.
Tier 3 - Carmen Ipsum
- chommoda dīcēbat, sī quandō commoda vellet
- dīcere, et īnsidiās Arrius hīnsidiās,
- et tum mīrificē spērābat sē esse locūtum,
- cum quantum poterat dīxerat hīnsidiās.
- crēdō, sīc māter, sīc līber avunculus eius.
- sīc māternus avus dīxerat atque avia.
- hōc missō in Syriam requiērant omnibus aurēs
- audībant eadem haec lēniter et leviter,
- nec sibi postillā metuēbant tālia verba,
- cum subitō affertur nūntius horribilis,
- Īoniōs flūctūs, postquam illūc Arrius īsset,
- iam nōn Īoniōs esse sed Hīoniōs.
Original draft written by Robert Amstutz