C. Valerius Catullus, Carmen 83: To Lesbia: Your New Man
Lesbia's husband is present in this short poem about the way Lesbia speaks of Catullus.
Tier 1
Lesbia male dīcit dē mē virō suō:
vir Lesbiae laetissimus est et stultus.
asine, nihil vidēs? sī Lesbia oblīta esset nostrī et tacēret, bonum esset:
nunc quod Lesbia dīcit male dē mē
nōn sōlum ego sum in memoriā eius sed Lesbia īrāta est, quae est rēs peior multō,
hoc est, ea ardet et loquitur.
Tier 2
Lesbia dīcit plūrima mala mī virō praesente:
haec est maxima laetitia illī fatuō.
mūle, nihil sentīs? sī oblīta nostrī tacēret esset sāna:
nunc quod gannit et obloquitur,
nōn sōlum meminit sed īrāta est, quae est rēs ācrior multō,
hoc est, ūritur et loquitur.
Tier 3 - Carmen Ipsum
- Lesbia mī praesente virō mala plūrima dīcit:
- haec illī fatuō maxima laetitia est.
- mūle, nihil sentīs? sī nostrī oblīta tacēret,
- sāna esset: nunc quod gannit et obloquitur,
- nōn sōlum meminit, sed, quae multō ācrior est rēs,
- īrāta est. hoc est, ūritur et loquitur.
Original draft written by Robert Amstutz