C. Valerius Catullus, Carmen 81: To Iuventius: What taste...
Catullus speaks to Iuventius, the young man he loves, about a newcomer from the town of Pisaurum (modern Pesaro).
Tier 1
estne aliquis in populō, Iuventī, aliquis pulcher vir, quem tū amēs?
aliquis praeter hospitem tuum, quī pallidior quam aurea statua est, quī est ex Pisaurō,
quī nunc est cor tuum, quem tū audēs pōnere ante mē in corde tuō, et nescīs quod facinus faciās?
Tier 2
potuitne nēmō esse in tantō populō, Iuventī, bellus homō, quem tū inciperēs dīligere?
praeterquam iste hospes tuus, pallidior inaurātā statuā, ab moribundā sēde Pisaurī,
quī nunc est cordī tibi, quem tū audēs praepōnere, et nescīs quod facinus faciās?
Tier 3 - Carmen Ipsum
- nēmōne in tantō potuit populō esse, Iuventī,
- bellus homō, quem tū dīligere inciperēs,
- praeterquam iste tuus moribundā ab sēde Pisaurī
- hospes inaurātā pallidior statuā,
- quī tibi nunc cordī est, quem tū praepōnere nōbīs
- audēs, et nescīs quod facinus faciās?
Original draft written by Robert Amstutz